意日菜 (已結業)

放左学去左呢度食午餐，睇下个餐牌有咩食。即刻有个店员介绍食物，我见有饮品都唔使加钱，就入黎试下啦。呢度焗野比较好食，但我又唔多想食。就试下个牛扒餐，三十蚊唔算太贵啦。餐汤我饮既系红汤，因为我唔想饮充满面粉既白汤。个汤都唔算太浓味，但对我来讲都算系咁啦。唔系特别好饮，又唔系特别难饮。黑椒牛扒配薯角牛扒既份量都几多，虽然呢只系薄牛扒。但味道都可以既，都有肉味同肉质都好淋。黑椒汁就唔算太浓既，而薯角就值得一赞。因为新鲜热辣炸好既，薯味又够。整体，个牛扒餐系合格有余既。冻茉香珍珠奶茶呢个唔使加钱既，我觉得茉利抢哂奶茶既味。但都无办法既，因为台式既奶茶系比港式奶茶淡好多好多。珍珠好弹牙爽口，不过下次可以用糖水预先浸下，咁珍珠同杯野饮既味会夹。食物就唔错既，服务都唔错。你食完野会问一问你要唔要，都算几好既。我好大意既系，原来一点钱找数可以减五蚊，即系二十五蚊，好抵呀。p.s.以前天水围间椰X阁都可以咁既价钱食学生餐，但冻饮要加两蚊之余，服务又一蚊都唔值。自此之后，我都无去椰X阁食啦。