永合成馳名煲仔飯

营业中

休息中

呢间都有唔少人介绍过，因为下午4点就收舖一直定都未嚟食，今日中午赶得切终于终于试咗佢啦拣咗窝蛋牛肉加润肠，同埋蒜豉排骨加润肠，加多碗佢哋嘅老火汤，今日系莲藕汤。讲讲呢款老火汤先，佢比出面嘅例汤饮落系无味精嘅，不过大量嘅甜味系嚟自红萝卜粟米，汤骨味莲藕味就略为逊色好啦好啦，到咗佢嘅煲仔饭，因为饭焦要另加钱我无加到(呢个系咪影响上餐时间?)由落单到上煲仔饭大概等咗10分钟左右，我觉得有少少快嘅，系！饭到咗外观上靓仔碎牛加生蛋，加啲豉油捞捞捞，鸡蛋都接近熟嘅状态，捞嘅过程见佢饭底都系偏湿，煲仔温度唔太高，睇睇隔离个排骨煲仔都一样，饭底都系湿啲黏啲，呀系咪真系我无加饭焦🫠整体味道系好好嘅，碎牛入味成个饭连蛋捞我好快食哂，下次嚟要加番钱加番个饭焦啦，虽然我谂唔明加钱加饭焦咁我一开头叫𠮶个系咪叫煲仔饭。