凱施餅店 (已結業)

放工七点几，好想食件牛油蛋糕，唔太多人，好自然就走咗入去呢间铺头买一件由细到大都钟意食嘅西饼。细细个食嘅西饼就系呢种，唔知系情意结定还是系口味问题，我最爱都仲系呢款有块菠萝喺上面嘅蛋糕。蛋糕面有一块菠萝。啡色蛋糕面配上鲜黄色嘅菠萝，望到就想食。面头𠮶层啡色其实系最甜嘅，而下边黄色𠮶啲就系牛油蛋糕，如果你用一张纸巾包住食，你就会见到张纸巾印到出嚟嘅油有几劲。虽然几蚊一件，但佢系好多新式西饼唔可以代替嘅味道。