ULURU

营业中

休息中

期一約左男朋友一齊食晚飯，我地去左一間位於灣仔既cafe。Cafe只有黑白兩種色調，令人置身在黑白世界。牆身既畫畫得好靚，而且每一幅都唔同，充滿美感，每一處都係打卡位。是日餐湯係番茄湯，配有一塊細麵包。番茄味濃郁，真材實料。沙律淋左開胃既黑醋汁，食落新鮮。Uluru自家製芝士牛漢堡配炸薯條真係好大個，配有大量薯條同沙律。沙律淋左芝麻醬，波浪型薯條好惹味，主角漢堡包亦好足料好味道。澳洲肉眼扒配紅酒汁又係好大塊，而且唔係薄身架。肉眼扒充滿牛味，口感軟腍，一啲都唔鞋唔韌，連配菜薯仔都非常好食。花見擺盤精緻，打卡一流。上層係玫瑰啫喱，下層係檸檬芝士蛋糕，周圍鋪滿餅底碎，食落幾清新，唔會好膩。飲品叫左Uluru Rose Tea同Tiramisu Coffee。連飲品都好大杯，而且有心思去整得靚一靚又好飲，抵讚。呢間Cafe食物高質兼大份，又可以打卡，連服務都滿分，推薦。