濠客蒸氣海鮮 (已結業)

同大家介绍吓一间只需要平民既价钱就可以食到高质素嘅蒸气海鲜锅🥳话说今日同个同事放工路过呢间位于元朗鸡地嘅濠客蒸气海鲜🦞为食既我地谂都唔使谂就走咗入去啦，介绍吓我哋今日食咗啲咩先❤️我哋就叫咗两个黄金套餐，可能因为我哋两个都系女仔，仲未去到尾段嘅时候就已经好饱好饱，所以就算系男仔都唔需要担心，呢个套餐一定够饱，而且真系劲抵，啲海鲜你完全系食得出佢系好新鲜嘅，非常鲜甜👍🏻而我最期待嘅粥底一样冇令我失望，劲鲜甜，而且仲有我最爱嘅南瓜，真系好正，个粥多到我哋食唔晒，但咁正嘅粥我地又点舍得浪费，同事话一定要带返去俾佢男朋友试吓，所以最后都打包左一大碗走🤭🤭黄金套餐包括左有奄仔蟹，澳洲龙虾，鲍鱼，北海道元贝，南海贵妃蚌，象拔仔，海虾，澳洲青口，新鲜蔬菜，瑶柱粥底，同饮品❤️全部我都劲钟意，非常满意，而且唔需要惊唔识整，因为餐厅会帮我哋整埋，我哋只需要食就得啦，劲正😍😍老板娘好好人，劲啱倾，因为啲海鲜好鲜甜，所以我地就问老板娘点解嘅，老板娘话因为呢度嘅海鲜佢全部都系拣当造最肥美嘅，一间餐厅有用心经营其实食客系会feel到嘅💪🏻另外有样嘢一定要赞，一坐低佢第一时间就帮我地将餐具消毒先，呢样野都几深刻，因为