吉吉魚蛋 (已結業)

美孚区唔多小贩档，一喺晌美孚广场𠮶边，一喺就晌万事达广场背脊位大天桥底下，有档「吉吉鱼蛋」卖港式小食，咖喱鱼蛋、碗仔翅、生菜鱼肉……等等「名物」，而鸡蛋仔同格仔饼又点少得架，而老板仲栋个易拉架，写住鸡蛋仔喺店长推介必试产品，但我又好想食底格仔饼顶顶肚，因为今晚夜食饭。格仔饼 $11平时都见唔少人帮衬，但小弟帮衬之时就正正无乜人，仲新鲜即做好快有，攞上手热辣辣，可惜食落无乜蛋味，未够松脆，而花生酱、炼奶、沙糖又少得可怜，难道物价如此飞涨？公道啲讲句，依家铺租、人工猛升，仲喺$11底，可能都无乜点赚都唔定。啲鸡蛋仔除话店长推介，仲写住古法泡制，松脆香甜，有机会都试一试先，免得一底格仔饼定佢生死吖。