No. 1 Kitchen (已易手)

呢排唔知系咪食得味精多，成日口干干，所以朕今日决定为无味精日，但唔系代表今日唔出街食，而系出街食啲无味精既野。于是我又叫我既贴身随从《帮朕Check下》边度有（无味精）既餐厅。我既贴身随从经过一轮明查暗访，终于揾到No1 Kitchen。一入到去朕就叫左个《炭烧日式牛柳西冷配薯角》，仲升级埋做《龙虾海鲜汤》，再加埋个《水牛城鸡翼》。《龙虾海鲜汤》有虾有青口又有墨鱼仔，个汤身几廷身，海鲜味扑鼻，龙虾味浓，用料够足值得一赞！！！（汤𠮶张相Up极都系反转，气煞朕！！！）《水牛城鸡翼》佢地话系用特制酱汁，食落微辣带甜，肉质爽口微弹。本身呢个日式牛柳系配羊西冷既，不过朕系唔食羊既，佢亦都将个羊转埋做日式牛柳。呢个日式牛柳既特别之处在于佢系用日式既酱料调制，腌制过既牛柳松软再经炭烧处理，外脆内软，咬落香稔软嫩，牛味香浓。无味精，有惊喜！－－－－－完－－－－－