影片
港铁元朗站 F 出口, 步行约12分钟
继续阅读
电话号码
2353 5818
营业时间
星期一至四
12:00 - 22:00
星期五至六
11:30 - 23:00
星期日
11:00 - 22:00
以上资料只供参考，请与餐厅确认详情
食家推介
天氣寒冷，為左唔令朋友放假出遠門，唯有自己放工去遠少少，就下佢食元朗 本身book就位食20:30，早到左半個鐘，好彩員工好好人，都肯俾我入去食晚餐 否則就要食西北風做頭盤了 門面看似一般餐廳，但係食完以下既野食之後，完全改觀。先分享下餐廳既餐牌。花多眼亂，我同朋友都心大心細，唔知食咩好 所以用絕招－－問老闆！老闆好好人，好用心咁介紹唔周菜色既用料同整造方法，最後我地聽取左老闆既建議，點左以下既主菜同野飲 1. 龍蝦海鮮忌廉濃湯 ($56; 跟餐$28)餐廳每日晏就開始燉呢鍋龍蝦湯。用料有龍蝦、鮮蝦、青口等海鮮配料（無味精架），所以鮮甜又濃稠，而且好重龍蝦味！呢個湯$28呢講係十分抵飲！因為佢好足料，喜歡海鮮既人更加係必點選！ 2. 龍蝦汁鮮蝦帶子石鍋意大利飯 (跟餐湯及$18飲品, $108)Risotto相信大家都唔陌生，咁龍蝦汁Risotto呢？ 汁用左龍蝦汁取代一般既奶油、酒、同洋蔥；石鍋被加熱至300度高溫上台。我地一邊食，高溫一邊將飯加熱，而且不斷令龍蝦汁收乾，令成個飯既質感較乾身，每粒飯都吸收左滿鮮甜既龍蝦味，而非「汁撈湯」既感覺。配料係鮮蝦同魷魚，令個飯入口時多左彈牙，煙韌既口感，俾滿分五分！ 3. 蒜香汁燒西班牙黑毛豬架伴蘋果醬 (跟餐湯及$18飲品, $138)呢個main course可以跟飯/意粉/蕃茄栗米沙沙 (+$6)作為愛新鮮感既90後，我地當然係挑戰下蕃茄栗米沙沙 由於頭先食既野都好足料，令我地都開始有飽肚感，個沙沙既味道正好令我地開番胃！佢帶有少少酸，個味有d似泰式生蝦刺生跟碟既甜酸醬而呢隻黑毛豬伴碟有蒜香燒汁同蘋果醬。我先試一塊點左蘋果醬既黑毛豬，同老闆講既一樣！黑毛豬既特點係，就算厚切，肉質都係好淋好易咬口！加上甜甜地既蘋果醬，令隻黑毛豬更加惹味！蒜香燒汁好香口，但同蘋果醬比...我唔直接答大家，事實係我同朋友食完成塊黑毛豬後，蘋果醬清哂，而燒汁仲係滿滿的無辦法，都係要俾滿分五分！4. Tiramisu Chocolate (Ice) ($42)食完野食，當然要飲埋特色飲品先係一餐完滿既西餐朱古力的魅力相信唔需要多講。值得要提既係上面既cheese，餐廳要揼本地加一大球cheese係飲品上，目的係令杯朱古力既質感更幼滑，口感更細緻，可以話係一杯「邪惡的朱古力」！5. Tiramisu Affogato (Ice) ($42)Affogato大家係未好少聽呢？無錯，我都未聽過...好彩老闆有介紹下佢既來歷。佢係一款義大利既甜點，大概係Espresso上面加雪糕咁既樣。而老闆就想將佢變成一杯野飲，用芝士球取代左雪糕；特別要提一提個冰，大家可能問：冰會有幾特別呀？為左令野飲變凍之餘又唔令佢變淡，老闆唔係用普通既冰，係用Affogato整既冰。飲落去既味道的確飲Espresso，用芝士既甜味代替一般糖水，令杯Tiramisu Affogato唔會太甜，喜歡飲咖啡既朋友應該會欣賞老闆既誠意之作無諗過一餐咁完滿既西餐，每人都只係百幾蚊 （仲平過放題...）大家下次想用平民價錢食高級西餐，都可以黎元朗搵下呢間餐廳
继续阅读
因為一早book 左位，所以唔駛等。今次一家人黎食，本來expect 係間再grand d 既餐廳，有d 失望，不過既然黎到，一於試下喇。難得慶祝生日，所以叫左d 貴d 既招牌菜。我叫左個龍蝦汁石鍋飯，屋企人叫左黑毛豬拼蘋果醬，同埋照燒汁黑毛豬石鍋飯。餐湯佢地都有d 講究，忌廉湯會加左d 牛肝菌上去，羅宋湯 d 味又好濃郁。我個龍蝦汁石鍋飯冇想像中咁好食，放左一陣d 飯已經索哂d 汁，同埋d 汁個味有d 怪，唔知點咁。石鍋一路keep 住d 飯好熱，搞到一路想食都唔得，要等d 飯凍番d 先。屋企人個兩個黑毛豬系列都好好食。黑毛豬真係今餐比較推介既食物。照燒汁加埋一d 都唔un既黑毛豬食落好好味，成個飯好快就食哂。黑毛豬加蒜香汁同蘋果醬個個簡直係極品。蒜香汁同juicy 既嫩口黑毛豬超好食，不過呢個都只係平日食西餐既境界。當我試埋蘋果醬之後先知道天外有天。原本只有蒜香味既黑毛豬，加左蘋果醬之後多左一種新衝擊：juicy 嫩口之中再多左一種蘋果既清甜，之前真係完全冇試過。我冇諗過食扒都可以用甜既野配搭。如果佢地花多少少心機會舖面裝修的話，一定可以將店舖檔次提昇好多。下次會再黎試其他野食，個黑毛豬真係值得推介，大家黎呢到一定要試！BTW, 呢到d staff 都幾貼心，態度都好好，加左唔少印象分
继续阅读
星期五晚，同老豆落樓下食個晚飯，簡簡單單食個晚餐set，就黎呢間標榜無味精嘅No.1 Kitchen。晚餐加廿六可轉龍蝦湯蝦味十足仲勁多料，有墨魚仔，帶子仔等，鮮甜creamy，唔錯喎。自己點左個E餐，炭燒羊西冷配芥末子汁，再加左$6要蕃茄沙沙。差唔多全熟嘅羊肉但唔韌，好香羊味但唔羶，個人幾鍾意喎。唔想食飯同意粉而要左蕃茄沙沙，一個去皮嘅蕃茄，入面讓左粟米粒，紅椒等，好清甜，食多左蔬果感覺健康啲嘛。老豆要左特別堆介嘅法式香煎鵝肝併美國肉眼扒跟飯，好大塊扒呀～鵝肝煎得外脆內軟，好好味！肉眼扒肉味濃唔錯，老豆係咁話正精品咖啡，老豆要左呢樣，好香好濃味～朱古力咖啡，自己點左呢個，朱古力味較濃，調得唔錯，仲有自家制曲奇餅。平均百幾蚊個人，抵食啦。支持下小店，唔成日幫襯集團了。
继续阅读
閒時也很少過來元朗，但適逢與好友約出來聚一聚的時間，且在朋友極力推介底下，又再一次屈服了。餐廳大字標明主打無味精，雖然對部份注重健康的人來說是一賣點，但對大部份的都市人來說，應該也無特別吸引之處。餐廳賣的是西式晚餐料理，食物價錢合理之餘，賣相也很「給力」，可是裝潢有點像茶餐廳的感覺。頭盤煙三文魚沙律以煙三文魚捲成花，鋪在沙律菜上，簡單而亮麗。沙律菜加了少許黑醋，有開胃之用，而煙三文魚的鹹香則相輔相成，為典型的沙律配搭。龍蝦湯頗鮮甜，吃起來絕沒有油膩口渴的感覺，而且還有海鮮，蝦肉爽口彈牙，用料也算客氣。但顏色與一般龍蝦湯稍有偏差，而且味道略淡不夠濃郁，不知是否不下味精的trade off。大蝦龍蝦湯意大利飯有數隻大蝦，蝦肉沒有過熟，肉質尚算爽口。意大利飯用龍蝦湯來煮，味道特別鮮甜，可是質感有點太濕了。味道蠻不錯，可是質感仍需改進。烤豬肋骨與傳統西式的烤豬肋骨無異，用上燒烤醬烤製，雖味道偏甜，但整體頗為香口惹味。豬肋骨不會太乾，仍有不少肉汁，算是做得不錯。
继续阅读
是日收工，又約左朋友係元朗食飯，原本其實無乜胃口又無乜意見，朋友就提議左去呢間係區內都有一段時間既餐廳開飯。話就話開左好耐，其實我都係第一次試呢間餐廳，原本以為係一間普通西餐，估唔到都比到驚喜無胃口既我。舖面唔算大，心諗無乜特別，餐廳老闆(應該係)見我同朋友望左個MENU一陣都無決定，就望動過黎仲紹下啦。餐廳主打除左西餐之外，仲有幾款石鍋飯，係介紹底下，我地就ORDER左一個韓醬牛粒石鍋飯同一個羊仔扒燒豬肋既雙拼，再加左兩碗老闆話係招牌必試GE龍蝦湯。平時出去普通西餐既龍蝦湯大都係開粉去煲出黎，其實就無乜味道可言，但呢間餐廳既龍蝦湯就不愧係招牌，飲得出真係用龍蝦殼去煮出果隻味，果種濃郁係開粉絕對做唔到，湯料亦都好足，有青口、墨魚仔、帶子、蝦等等，我同朋友飲到一滴都唔剩，胃口番哂黎，仲要唔漏又唔滯，正！至於個雙拼就唔算太大驚喜，可能我比較鍾意羊有羶味，但雙拼果塊羶味較淡，適合唔喜歡羶味的人，燒豬肋就唔錯，個醬好惹味，都可以一試！去到個韓醬牛粒石鍋飯，絕對要比個讚！老闆話特別用有少少辣度既韓醬去做個牛粒既醬汁，食落去惹味聞落去又好香，撈勻D飯同飯焦一齊食味道一流，另外個牛粒老闆話係用USA PRIME BEEF，就算切左細粒做石鍋飯都唔會柴皮乾身，呢個可以例為必食之選！最後，老闆話餐廳堅持出品唔落味精，食完唔會口渴，好味又健康！後記：兩日後由另一個住元朗區GE朋友口中得知，原來呢間餐廳既燒黑毛豬扒都好好味，有機會一定要再試！
继续阅读