山東餃子花膠湯飯專門店 (已結業)

今日与朋友经过加连威老道，朋友突然想食中式饺子，我哋见到呢个food court有好多选择, 决定试一试佢哋嘅山东饺子。我叫咗个翠瓜花胶无味精鸡汤面配饺子，面可以拣唔同嘅面底，我选了蕃茄面，饺子则选了香芹芫荽虾肉饺子，系我最喜爱嘅芫荽做饺子啊。先讲讲个鸡汤汤底，清淡鲜甜，汤底入面有花胶片，好有口感，蕃茄面亦食到淡淡的蕃茄味。饺子方面，虾肉同芫荽嘅比例好夹，配埋饺子醋，完全唔油腻。朋友就拣咗翠瓜花胶泡饭，配芝士粟米猪肉饺子。朋友话个泡饭吸收晒鸡汤嘅精华，啖啖浓香鸡汤味。至于佢嘅芝士粟米猪肉饺子🥟，配埋麻辣口水汁，双重口感㖞。小食我哋另外再嗌多个鸡汤花胶，希望可以尽情食花胶，补补骨胶原😃饮品方面，我同朋友分别叫咗热泰国龙眼特饮及抹茶拿铁，喺呢个秋风起嘅时间饮热嘢就最啱。总括而言，山东饺子店的饺子果然冇令我哋失望，特别欣赏佢唔同嘅饺子会有唔同嘅酱汁，饺子醋及麻辣口水汁都做得出色。眼阔肚窄，下次决定同个食得辣嘅朋友再试吓佢哋嘅麻辣冬菇鸡肉饺子🥟。