影片
更多
2023-01-08
108 浏览
开到成行成市，今日终于去试咗啦。冇得去旅行，搞到近排都拣多咗东南亚嘅嘢食。谂住避开食饭时间，但系点知都系好多人，等咗大概几分钟好彩啱啱有一张枱。亚参去骨海南鸡饭跟清鸡汤 ($91) : 油饭同清鸡汤就正正常常。呢个都系佢哋嘅招牌菜，见差唔多每枱都有叫，海南鸡都几滑，睇menu 见佢用咗三黄鸡，所以$91都俾得过。新加坡肉骨茶($86): 谂到食新加坡或者马来西亚菜，都系呢两样。自己好钟意呢一个肉骨茶，唔算好大药材味，反而加咗几多白胡椒，饮完个人好暖！饮到去最后一啖会见到胡椒沉晒底嘅。一字骨有两旧，而且豆卜好似系一大旧分开咗4份咁样，如果份量再多少少嘅就好啦，不过汤底搭够，而且上菜都够热。叫菜有得追加小食:1. 斑兰咖央多士: 又一星马菜必叫之选。自己都几钟意佢块面包，好似有少少阿华田味咁样，同本身嘅咖央酱都几夹，不过略嫌牛油唔够分布平均，切开四份会有啲会少咗，唔够喉。2. 香烤猪肉串：有三串，本身以为系类似泰国𠮶啲成块猪肉串埋，点知系自己手打嘅猪肉饼咁，配埋少少沙嗲酱又几惹味。饮品就有冻南洋咖啡同香茅薄荷特饮，自己好钟意后者，薄荷味好出，配上少少香茅嘅后劲呢种梳打最啱夏天饮，而且好有南
亚参去骨海南鸡饭跟清鸡汤 ($91) : 油饭同清鸡汤就正正常常。呢个都系佢哋嘅招牌菜，见差唔多每枱都有叫，海南鸡都几滑，睇menu 见佢用咗三黄鸡，所以$91都俾得过。
新加坡肉骨茶($86): 谂到食新加坡或者马来西亚菜，都系呢两样。自己好钟意呢一个肉骨茶，唔算好大药材味，反而加咗几多白胡椒，饮完个人好暖！饮到去最后一啖会见到胡椒沉晒底嘅。一字骨有两旧，而且豆卜好似系一大旧分开咗4份咁样，如果份量再多少少嘅就好啦，不过汤底搭够，而且上菜都够热。
叫菜有得追加小食:
1. 斑兰咖央多士: 又一星马菜必叫之选。自己都几钟意佢块面包，好似有少少阿华田味咁样，同本身嘅咖央酱都几夹，不过略嫌牛油唔够分布平均，切开四份会有啲会少咗，唔够喉。
2. 香烤猪肉串：有三串，本身以为系类似泰国𠮶啲成块猪肉串埋，点知系自己手打嘅猪肉饼咁，配埋少少沙嗲酱又几惹味。
饮品就有冻南洋咖啡同香茅薄荷特饮，自己好钟意后者，薄荷味好出，配上少少香茅嘅后劲呢种梳打最啱夏天饮，而且好有南洋风味。
总结：都做到有一定水准，唔怪得知开到成行成市，价钱都算可以接受虽然有少少偏贵，但系食物质素都有返咁上下。
张贴
