千樂燒味餐室 (已結業)

今次系第二次黎千乐，上一次同朋友路过见门面光猛，挂出黎嘅烧味又好吸引，试咗个二人套餐，一试上瘾，今次单拖再去食坐低唔使谂就叫咗个一人叉烧烧鹅套餐，转咗米粉，可以唔使咁饱。个餐黎到，哗！又有鹅肶食，上次已经系咁，乜有咁多肶㗎咩一啖咬落去皮脆肉软，系！个皮系脆嘅，好好食，减肥又可以放埋一边啦！之后再试叉烧，半肥瘦仲有少少㶶边，啱晒我心意！而且⋯⋯ 份量使唔使咁多呀，叠到成坐山咁，下面唔系花生而系全部叉烧！好彩无食白饭啫 另外碟拍青瓜都唔可以忽视，好爽脆，个酱系自家调味嘅！今日例汤系青红萝卜猪骨，我饮唔到有味精㖞～ 所以最后我系清晒枱最后要讲服务，姐姐好好笑容，落单同收钱都笑面迎人，放低个餐仲会讲「你慢慢食呀」，真心赞！下次一定会再嚟！