影片
更多
2022-10-31
909 浏览
今日同老公去左大埔行街，差唔多晚饭时间，经过睇到呢间食日式放题，门口摆晒万圣节吹气公仔，咁有万圣节气氛，被佢吸引，咁就不如食吓放题啦。行左一阵就可以上去开餐喇，门口就有打卡ironman，楼梯就继续万圣节吹气公仔，好得意。呢度唔止日式放题，连中式点心都有，钟意烧又得，打边炉又得。所有食物在外面自取，生肉摆放好企理，全部用盖盖住，真系食得放心。刺身：有三文鱼、吞拿鱼、荣螺、鲜带子、八爪鱼同赤虾，连剑鱼腩咁少见都有。食落带鲜味，都几肥美。炸物及烧卖：麦乐鸡同格格薯条都系我至爱，食落暖暖地。烧卖一笼一粒，比较精致，都好食㖞。烧肉：薄切黑椒牛扒有口感，韩式鱼柳腌得好入味，帆立贝烧香佢，几好食，三文鱼骨腩味道正常，麻辣牛肉真系几辣，好惹味。另外，职员一见我哋烧嘢牛油纸㶶左，就即刻帮我哋换，真系好有效率。熟食：金银蛋苋菜清清地，咸咸地，蒜蓉鸡唔算太重蒜味，但都好食，人参鸡汤唔会话死咸，淡淡地都几好。碗仔翅同茶蒸碗都系一人份量，样样都食少少，可以食好多嘢。沙律：沙律菜洗得干净，配上日式沙律汁，酸酸地都几开胃。我就觉得佢个苹果沙律最好食，调味不错。另外仲有麻辣云耳等凉伴，够晒辣。甜品：真系劲多种类，奶
行左一阵就可以上去开餐喇，门口就有打卡ironman，楼梯就继续万圣节吹气公仔，好得意。
呢度唔止日式放题，连中式点心都有，钟意烧又得，打边炉又得。所有食物在外面自取，生肉摆放好企理，全部用盖盖住，真系食得放心。
刺身：有三文鱼、吞拿鱼、荣螺、鲜带子、八爪鱼同赤虾，连剑鱼腩咁少见都有。食落带鲜味，都几肥美。
炸物及烧卖：麦乐鸡同格格薯条都系我至爱，食落暖暖地。烧卖一笼一粒，比较精致，都好食㖞。
烧肉：薄切黑椒牛扒有口感，韩式鱼柳腌得好入味，帆立贝烧香佢，几好食，三文鱼骨腩味道正常，麻辣牛肉真系几辣，好惹味。另外，职员一见我哋烧嘢牛油纸㶶左，就即刻帮我哋换，真系好有效率。
熟食：金银蛋苋菜清清地，咸咸地，蒜蓉鸡唔算太重蒜味，但都好食，人参鸡汤唔会话死咸，淡淡地都几好。碗仔翅同茶蒸碗都系一人份量，样样都食少少，可以食好多嘢。
沙律：沙律菜洗得干净，配上日式沙律汁，酸酸地都几开胃。我就觉得佢个苹果沙律最好食，调味不错。另外仲有麻辣云耳等凉伴，够晒辣。
甜品：真系劲多种类，奶冻、雪糕、雪条、榚点同豆腐花都有。我就样样攞d，食几样都已经值回票价。
张贴
