嵩記牛什

营业中

休息中

今日又去深水埗买嘢，行到连午餐都唔记得吃，肚饿打鼓之际行咗去嵩记食碗腩米顶下肚先。嵩记在大埔道三间牛什店较比较接近深水埗，但地方却残旧一点，只有四张抬，过了午膳时间，人流相对减少，做咗安心出行坐下，叫咗个腩米和腩汁芥兰，价钱一律$28, 无分坑腩和崩沙腩。先尝一口汤，哗，汤味浓郁有致，很甜又有牛味，碗面size和其他两间差不多，再试下D牛腩，唔肥略偏瘦，但煑得啱啱好，不柴不黏牙，一咬就开，超爽而唔系淋晒冇口个只，芥兰$13条条爽口甘甜，再试埋佢D辣椒油，甘香蒜味浓郁有虾干味，不是一味死辣，三间牛什店，呢间最好。最后忍不住买多个净腩返去加𩠌。