嵩記牛什

营业中

休息中

32蚊一碗牛肚粉，味道很鲜，辣椒油给力，两勺已经能辣到我这个四川混血香港哪里去找这种性价比的平民餐厅，营业时间覆盖清早至深夜，真的好得让人感动，真正的为街坊服务的餐厅。

牛腩細蓉麵😍😋 真係會食上癮LOL 牛腩調味恰當，味濃但不會過鹹，細蓉麵質彈牙！ 經過石硤尾唔好錯過！ 每個星期都會心思思揸車出石硤尾食呢間，唔知點解特別有記憶點&會掛住。

同老婆坐錯車去了石峽尾 查左一下開飯原本去邨入面的粥粉檔點知聖誕全部冇開再行出去深水埗的嵩記試一下老婆點左份牛三寶飯我叫左份牛三寶河跟兩杯熱茶牛三寶有牛筋腩牛肚份量好大 味道足 牛筋軟硬合適入味三寶飯有紫菜湯跟 好多紫菜!後來發覺我們點既都一樣就加多一份淨細牛雜牛腸牛肚牛胰牛肺勁入味 牛雜沒有半點星味 傳統的牛腩味道就是如此! 估唔到一間不起眼的小店可以KO油尖旺的大小牛雜店!老板好熱情 會問口味合唔合食只是小店真的比較細 環境也比較一般但亦因為是老店才有這個味道吧！

呢間舖頭平時成日行過都冇入過去，點知有日凌晨12點幾，個friend拉咗我入去，仲話呢間野好好食。結果食完今次，呢間野就成為咗我宵夜之選。首先個男店員（唔知係咪老細）好有禮貌，對客人親切仲好有同理心。做你一碗$30牛腩麵嘅生意，有咁嘅服務而家真係冇乜可能。牛腩嘅分量多，有筋膜少少肥肉，麵爽口彈牙。怕肥可以同佢講要瘦腩，怕麵硬又可以叫佢煮淋啲。店員一啲脾氣都冇，你肯講佢就做比你。$30咁嘅服務去邊度搵？仲要係好食，絕對物超所值！利申一下，我食親都係夜晚11點後，11點前個用餐體驗有冇可能會變？呢個我就唔知啦。

今次第二次黎，聽聞呢間係分家後出黎自己做，另外個間我都有試過，覺得呢間好食d牛雜麵先30蚊 抵食啦香港少有甘平我仲叫埋野飲 油菜對女仔黎講都好夠奶茶啡就差d 檸茶都ok過得去

【深水埗區】【嵩記牛什】我中咗新冠就咸世界都知，不過有啲自稱顏色店已經守唔住，要叫返佢做「2019 冠狀病毒病」，竟然冇人察覺，睇嚟大家都接受咗呢個名。呢檔嘢之後又有借「全港響電話」事件玩膠抽水，忽然又黃返，有趣有趣。不過我中武肺同其他人一樣，其實都會好攰同埋做唔到嘢，所以生產力嚴重下降。本以為可以趁放假狂做自己嘢，但係原來係唔得嘅，因為個病令我臥床時間大增，腦轉數亦下跌。所以喺做嘢方面，呢個假期係幫唔到啲乜嘅。因為申報咗，收到隔離令，我出唔到街，咁就留喺屋企啦。唔好以為之前富華嗰篇就係咁樣嘔出嚟，你咁諗就真係高估咗我，其實都係未病之前嘅作品嚟，邊寫邊食，由一月食到三月架，大家可能用十秒，我就預備好耐。之前喺 社交平台牛腩牛雜 group 見到大埔道有場世紀大戰，就係接連有三間潮州粉麵店喺同一條街二百米之內。有人就有意見，呢個吹話邊間好食，嗰個又話另一間好啲。我作為一個密探，梗係要去現場睇睇發生咩事啦。第一間講嘅係老字號「嵩記」，佢喺正油站對面，位置幾靚，不過店面較細做唔到幾多枱。咁人哋生存到咁多年就當然唔使我教點做生意，整碗「腩什河」嚟食吓。其實味道唔差，牛腩唔係腩碎，好食嘅，而份量

嵩記牛什 深水埗今日嚟到深水埗食呢一間好出名嘅牛雜麵，雖然檔口好細，但係有滿滿嘅香港味道，好多人食！！價錢亦都十分相宜🤣🤣🤣兩個人叫咗一個牛雜河，一個豬手河，一碟芥蘭同埋一碗淨水餃。賣單先$100附近，十分抵食🥰🥰😋😋😋牛雜清理得好乾淨，豬手亦都炆得好淋，水餃每一粒都有新鮮爽口嘅蝦仁，香港仲有呢啲咁地道嘅牛雜粉麵，真係要好好保留🥰🥰❤️

鋪面望落去少少殘舊，好有年代感🤣見到關注組有幾個留言都話依間好食就走去試，結果真係執到寶🌟牛雜拼牛腩河🍜 💰28（雙拼+💰11）❤️‍🔥9/10分腸通得好乾淨，完全無苦味，少少肥咁，又有腸味，好正🤤OS：明明通得乾淨係基本嘢，但好多店舖都做唔到，所以要特登講🫠肺同肚唔會太冧，依然保留佢嘅口感🤘🏻略嫌牛膀有啲痴牙，好食嗰啲會無咁痴，之前元朗有間好好食但係執咗😔牛腩肥瘦同軟硬都適中，勁有牛香味🤩兩樣嘢兼河粉份量都多，我食唔哂個粉，💰39真係超抵食🥹通菜🥬 跟餐💰9 個梗少少老🤏🏻可樂🥤 跟餐 💰7

今日嚟到石硤尾諗住食美式餐廳點知大排長龍，即刻轉身走人跟住醒起友人介紹附近有間牛什好正而且位置好相近，一於過去試下～-呢度舖頭細細，嚟到已經得返一張枱即刻就入去坐底睇牆上嘅餐牌就叫了一碗牛腩牛筋河粉估唔到份量都幾多，非常足料牛筋火喉夠，入味夠哂濃，食落軟身入口即溶牛腩入味，食落軟嫩滑爽配上自家製辣椒油，多咗辣椒香，好惹味友人叫咗牛什麵牛腸夠肥又嫩滑，牛肚軟腍、牛膀滑膩而麵質食落彈牙，湯底加埋葱花好好味整體性價比高，可以再來～

在大埔道街角處有一間名叫嵩記的牛什麵，已經開業多年，每晚開至午夜二時。經常有好多的士司機係到食宵夜。食店不大，只有數張圓枱，我們點了一碗牛腩麵及牛什麵，牛腩量是多的，可惜每一塊牛腩一半是肥膏，另一半則較瘦，而且煮得不稔，要費勁去咬，湯味是濃的，麵也不錯。牛什質素也是正常。以前這間鋪由早到晚都幾乎滿座，但聽聞曾易手，所以用料不及從前，人客也較以前少。其實，附近一帶有很多這類麵檔，競爭是大的，如果不加以改善，便會容易失去熟客。

抵食好食老鋪本來想系網上search下深水埗邊度有街邊牛雜，走左哩間鋪頭出來，食評又好正，咁眯特登去買嘍，因為系吾近地鐵站。系對面馬路睇到，鋪頭真系好細好舊，真系有D 再考慮買吾買，最後見到裡面3張檯有兩張有客，又有人買完外賣，咁又有翻信心。估計男的是”老”闆，記憶力比女夥計仲要好，叫走蔥都系老闆提翻個夥計。牛雜系個大兜又多同仲滾熱辣，聞到好香。牛腩麵（$28）5分- 牛腩系好小見的肥腩，好入味但食完無口乾，吾會”鞋”同無渣，麵都幾好，但可能系外賣，系”林”左。牛雜麵（$28）4分-真系好多，乜內臟都有，系牛肚同牛腸有小小靱。四寶米（$32）3分- 雲吞好大粒同有蝦，幾好味，魚蛋就吾夠爽，魚皮餃都好正。米粉就比較失色，用比較粗的米粉。

［#牛雜專家🐮 ］#嵩記牛什一直都好想來試，但一直都比好多「負評」左右，如果明知唔得仲要去食？不過始終都想自己試吓，先知事實係點。鋪面非常細，數埋得幾張枱🤔 得返一張門口位，都有唔少人食。單叫一碗牛雜麵，$28，貴過明興$1。落單1時叫多蔥，但上枱換咗一個阿姐負責，只係輕輕比少少蔥我。湯底色水夠濃但味淡，唔係牛骨湯，似係味粉開果種😓 又係數牛雜時間，竟然有四件腸🤪 細細件，而且冇竹腸。有三件草肚，兩件肺，一件膀，共十件。腸同膀幾好食，其他就一般。反而最欣賞個麵底，非常爽口彈牙，唔會淋晒，係暫時食過最好食既麵底👍傳聞依度牛雜係兩溝，有新鮮有雪藏，食落都似。如果鍾意食麵既朋友依度都可以。推介指數：6/10嵩記牛什深水埗大埔道152號地下7號舖@foodiehck2022 #港飲港食平靚正 #深水埗 #牛雜麵 #小店 #傳統老店

短短一條大埔道, 就有三家主打牛腩的麵店, 但是我還是最喜歡嵩記, 細細個去深水埗探親它已經開店, 應該至少有二三十年的時間, 現在每年去八仙餅家買五仁月餅前後, 也要過去品嚐其雜腩河, 還記得十年前一碗牛腩或牛雜河也不用二十元, 可以說是窮人恩物. 十年過去, 同樣的一碗現在要接近四十元, 但依然比很多連鎖粉麵店還要便宜, 而且多年來味道也是如此熟悉.牛雜中處理得最好的一定是其牛腸, 沒有臭味, 也沒有苦澀味, 保留着滑溜的牛脂, 切開數件尺寸一樣, 更容易入口. 牛腩雖沒有點明特別部位, 有腩邊肥美而彈牙的部位, 份量不少. 湯頭有牛骨香之餘, 又比不少麵店做得清澈. 説要改善的, 也許就是牛膀和牛肺口感有點乾, 但如此價錢, what you can expect for more?Song Kee has been established at Shum Shui Po for more than twenty years. I had the rice noodles with beef brisket and beef offal since I were a child.

喺長沙灣返完教會，見天氣咁好就諗住行出旺角，一路行到去深水埗石硤尾咁啱見到呢間嵩記牛什，又有啲餓餓地就決定試試佢啦。間鋪係一般舊式粉麵鋪，入面細細間鋪得4張枱左右。入去坐低就叫左碗牛腩河多青。話咁快就上到枱，見啲腩有啲肥，當然我係唔介意嘅，對於鐘意肥腩嘅人直頭係鐘意添嘅。飲左啖湯個湯頭都香甜嘅，河粉份量多兼夾唔碎。牛腩唔會柴，啖啖都有肥勁香。唯一係佢個位置，無乜嘢真係唔會經過，今日真係想行吓先會行過有機會試到。

突然有Craving想吃牛腩河，見這間出名就去叫個牛腩河試試。 $28碗牛腩湯河，湯底濃味；份量亦算多。 因為專程搭車去食,又想試牛什, 跟住又叫了碗牛什河走腸肺（即膀肚河）。有3塊牛膀都大塊，個湯底就沒有第一碗咁濃；可能少了腩汁。 吃完兩碗超滿足。 樓面姐姐介紹可以吃牛三寶-$50 有腩、牛筋及牛肚 - 下次一定試。今日系3/6/2022 一點鐘堂食都不會太逼，可以一人一檯。 見多數外賣客，只有四 、五張檯, 冷氣夠、外面的鮮風吹進餔頭都好通爽,不用擔心換氣量。