蝦佬 (已結業)

午间揾食贴士店面细，不适合大伙儿饭局最多系4人枱，目测系4至5张左右。1215去到，9成满，咁啱有人走，我地先有位。1300如果系1至2个人都仲可以有位。招呼周到好好礼貌，地方干净，所以诚意推介俾各位。同事点咗咗虾意粉同一杯姜蜜。我试食咗小小，意粉份量十足，虾嘅质量好好，好弹牙，好爽身。意粉亦软硬适中，唯一略嫌伴碟的翠肉瓜硬咗啲。我呢点咗牛柳虾汁饭加玫瑰花蜜。同样系份量十足，我肉好软身，饭有啲樱花虾，好有心思，饭加咗虾汁亦好鲜味，好好食。我地叫咗个龙虾汤，老实如果想食creamy 啲嘅话，佢唔合格，但系胜在够龙虾味，加上唔喜欢太creamy 的口感，所以我觉得唔错。美中不足的是，如果夏天，铺面会好热，如果要食一定系买外卖。当日亦见到好多人等外卖。同埋佢都好贴心，可以whatsapp落单，转头去攞。另外，如果你系超级环保份子，都请你去前再谂清楚，因为店家全都用即弃餐具及盛器。