好滾得 (已結業)

今晚约咗朋友食生日饭，就提议试吓依间想试好耐嘅火锅，因为睇过介绍话系无味精，海鲜又新鲜，即刻吸引到我依个海鲜精首先其实店面不大，坐嘅位置唔算太舒服，不过座位下有个篮仔俾你放袋或者外套，都算几贴心。一见到依个大石砸死蟹就好想试，同埋新开有特价就试一试佢啦。个蟹真系大只又多膏，不过个汤系咪真系冇味精我就有啲保留花甲嘅份量都算多，有少少沙，但可以接受。食完个蟹锅就再叫配料，其实价钱都偏贵同份量唔算多(ps.图中蜂巢豆腐同猪红已经开动咗)一共4个人埋单都差唔多300一位，仲要我哋只系叫咗九样配菜，同埋冇叫肉，再加四杯野饮。不过冇乜配菜特别好味，只有图中嘅莴苣几清甜。我觉得个蟹锅可以一试，但其他食物就唔好抱太大期望噜。