Han Ban Korean Restaurant (已結業)

疫情下几日冇出街，今日出开新蒲岗攞嘢谂住顺便买啲外卖返屋企叹。原本想买629鸡蛋仔，但冇开，唯有揾其他野食。点知就系附近发现呢间新开韩国菜餐厅，疫情下真系拍乌蝇，犹豫之际发现老板原来系韩国人，突然觉得可以一试。佢门口有玻璃窗可以睇到佢厨房，调味料全部韩国入口，韩国人煮，果刻心谂真系正宗韩国菜😂应该唔会差得去边叫左个拉面年糕同辣牛肉汤，虽然外卖，但份量真心多，同堂食冇分别（最近疫情叫多左外卖，有啲餐厅份量真系会减少），个牛肉汤仲跟白饭同配菜，几抵食。 原本最想食紫菜饭卷，但可惜佢卖晒。返到屋企试，虽然拉面索晒水变一旧，要自己加啲水松开佢，但味道唔错，年糕仲好软。辣牛肉汤都好味。下次再去新蒲岗一定再试其他，希望佢挨得过疫情啦。