瀛豐放題料理專門店 (已搬遷) 新店位置

同朋友想食啲特别啲嘅放题，于是上网见到呢间任食大闸蟹嘅日泰放题，决定入去试吓。 😍原来除咗任食大闸蟹之外，仲可以升级任食生蚝同埋海胆带子，价钱唔贵之余，仲可以食多几款，性价比非常高！🤩〈大闸蟹〉🦀依家系大闸蟹当做嘅季节,所以餐厅选购嘅大闸蟹质素都非常高,几乎每一只都好多蟹膏,店员好贴心咁一坐低就提供拆大闸蟹嘅用具，好快就将一大碟大闸蟹送上。〈生蚝〉〈海胆带子〉🦪🥠升级嘅呢两款海鲜质素极高，生蚝食得出好新鲜鲜甜，一只接一只咁食，已经好快回本。而海胆带子件件都分量十足，带子厚身之余仲好鲜甜，海胆一啲腥味都冇，夹系中间件件都非常饱满。〈火炙寿司〉🍣我同朋友真系超钟意呢度嘅火炙寿司系列，包括有甜蛋火炙寿司、三文鱼火炙寿司、火炙左口鱼边、海胆酱火炙蟹棒寿司、火炙芝士鱼生说，每一款都烧得好香，绝对唔会将货就价，拍得住出边单点嘅寿司舖头。话明系日泰放题，呢度仲有啲喺其他放题食唔到嘅菜式，包括飞天炒通菜🥙、泰式虾饼🦐、泰式烧元贝、泰式酸辣凤爪🐥、口水鸡、酱烧鲭鱼🐟、香蒜炒墨鱼须、冬阴功虾汤等等，包罗万有，我下次一定会再嚟试晒今次未试嘅菜式。