Via Tokyo

营业中

休息中

未称得上绿茶控 但系本人对绿茶系既甜品好有要求 皆因中伏太多 试过好多名气大招牌靓既店都失望而回，今日终于有机会试呢间已经红左好几年既甜品店。黎到时见入面FULL HOUSE，都稍等左一阵先入到去。我地两个人分别叫左【宇治抹茶沙冰】、同埋【黄豆粉白玉红豆抹茶牛奶雪糕】。【宇治抹茶沙冰】沙冰加上面头雪糕都系纯粹既抹茶！雪糕质感好挺身，15分钟过后丝毫无溶化既迹象，抹茶味很浓；不过冻到震既沙冰先系主角，浓郁入魂既抹茶味道，感觉系将1000杯绿茶浓缩左喺一啖里面，加上回甘诱人既尾韵，完全凌驾我记忆中既任何绿茶甜品。一句到尾，系我品尝过最既绿茶系食品，没有之一。我肯定自己经已上瘾。【黄豆粉白玉红豆抹茶牛奶雪糕】Darling 叫既呢杯都唔差，里面集合左好多元素，而每样野都做到好精细好纯粹。原来黄豆粉系可以咁浓味架！红豆同样系前所未有咁浓，质感系好似红豆蓉咁；白玉即系汤圆外层软绵带点烟韧；至于on top既绿荼同牛奶纽纹雪糕，牛奶味颇为香浓，两者其实冇冲突既，但牛奶始于会沟淡左绿茶既味道，为绿茶而黎既建议拣返沙冰。