Bistro Hoi An

营业中

休息中

星期日放假，去咗屯门黄金海岸行完海豚广场及商场后，就决定约屋企系Bistro Hoi An食越南菜，因为无论室外或室内都有大枱，而且餐厅天花挂住嘅灯笼都几靓，环境及气氛都唔错。我哋6个人，叫咗个河内牛肉汤河（$95），炭烧猪腩串烧4串（$135），炭烧鸡肉串烧（$105），炸软壳蟹芒果米纸卷（$118），越式猪肉三文治（$128），虾米炒通菜（$85），牛油鸡翼（$88），鲜虾牛油果米纸卷（$98），烧茄子牛油果豆腐卜捞檬（$108），以上样样都好食。至于嘢饮，我哋只有一位饮啤酒，其他都系饮餐厅嘅水，因为水里面有浸咗几块青瓜青柠，饮落好清香。总结：食物水准高，职员嘅服务态度都唔错，特别系一位识讲广东话嘅男职员，每次上菜时都好有礼貌及好好笑容，而且仲识得讲下笑，真系令到食客都食得好开心，上菜亦上得快，最后大家都觉得无拣错餐厅!