影片
更多
2019-12-04
296 浏览
呢间串烧+麻辣烫小店都算系蕃薯妹嘅串烧饭堂，只要系响荃湾区想食串烧就会谂起佢，帮衬过好多次～ 皆因佢地嘅质素水准一直都keep得好好🥰而且价钱都算平民价～ 仲可以同朋友嚟啤一啤🍻有时想快快脆食碗粉面都可以试吓呢度嘅麻辣烫或者重庆酸辣粉～ 又平又好味😋。店内坐位唔算多，但尚算几舒适唔会话好迫。值得一提嘅系侍应姐姐非常Nice，又好倾又好笑容，香港地要有咁亲切嘅服务态度唔系经常有，要俾个like佢👍🏻点菜纸有两张，一张系麻辣烫同酸辣粉，另一张系串烧、小食同饮品，食客自己手写落单。另外墙上面都有手写餐牌会写上当日有得食而点菜纸上无嘅食物。麻辣烫粉丝 $36order咗中辣要粉丝，拣咗猪大肠，娃娃菜，猪红，生根。汤底好够味，够香够麻，唔会净系得个辣。粉丝，生根同娃娃菜吸哂味超好味，啱哂钟意麻辣嘅朋友。猪大肠好好食，唔会有好大阵猪骚味，猪红都好实净，唔会一夹就散哂，食完条脷都唔会鞋哂👍👍烧蛏子皇 $45够哂大只，真系蛏子皇😍烧得啱啱好熟，只蛏子仲好多汁唔会干哂。而且好鲜甜，仲已经剪开咗上枱，好方便唔使好似成条脷咁摆入口🤣🤣AAA牛仔骨 $45烧到大概半熟到7成，牛味好浓，肉好淋好嫩，个面亦烧得够
有时想快快脆食碗粉面都可以试吓呢度嘅麻辣烫或者重庆酸辣粉～ 又平又好味😋。
店内坐位唔算多，但尚算几舒适唔会话好迫。值得一提嘅系侍应姐姐非常Nice，又好倾又好笑容，香港地要有咁亲切嘅服务态度唔系经常有，要俾个like佢👍🏻
点菜纸有两张，一张系麻辣烫同酸辣粉，另一张系串烧、小食同饮品，食客自己手写落单。另外墙上面都有手写餐牌会写上当日有得食而点菜纸上无嘅食物。
麻辣烫粉丝 $36
order咗中辣要粉丝，拣咗猪大肠，娃娃菜，猪红，生根。汤底好够味，够香够麻，唔会净系得个辣。粉丝，生根同娃娃菜吸哂味超好味，啱哂钟意麻辣嘅朋友。猪大肠好好食，唔会有好大阵猪骚味，猪红都好实净，唔会一夹就散哂，食完条脷都唔会鞋哂👍👍
烧蛏子皇 $45
够哂大只，真系蛏子皇😍烧得啱啱好熟，只蛏子仲好多汁唔会干哂。而且好鲜甜，仲已经剪开咗上枱，好方便唔使好似成条脷咁摆入口🤣🤣
AAA牛仔骨 $45
烧到大概半熟到7成，牛味好浓，肉好淋好嫩，个面亦烧得够香
烧白鳝 $42
白鳝好肥美，而且个皮烧得好香，少少焦但系未算系㶶嘅，件鳝好新鲜，咬落去啲肉好爽脆又唔会有腥味
烧花虎虾 $32
虎虾都几大只，剥开个虾头仲有膏可以啜，好新鲜，而且啲肉咬落好爽口好甜
烧羊架 $34
好香羊味，但系唔系接受唔到嘅羊骚味，而且冇烧到熟哂，啲肉仲好嫩，连埋啲脂肪一齐食，超正🤤🤤
烧豚腩 $24
好吸引嘅五花腩😍个面烧得好香口，脂肪同肉一层一层咁，好好味~~
烧豆卜 $16
落咗蜜糖，孜然粉，外层脆脆地，好香好好食，每次必点！
烧露笋仔 $20
露笋仔好鲜甜，同其他嘢食一样，唔会烧到好干，咬落仲有汁渗出嚟㗎~
食串烧嘅嘢饮就当然系啤酒啦🤣🤣
普普通通叫咗蓝妹，配埋串烧啱晒𩠌酒，好满足~~
张贴
