影片
更多
2019-12-29
9413 浏览
收工，得一支公食咩好？记得早前有食友帮衬过呢间「一起食堂」台式餐厅，台湾菜啱我吖，就食番餐好嘅，慰劳吓近期嘅辛劳。走进餐厅内，格局深长，一室木系，若非挂上啲灯笼，台湾电影海报，单从装修都未必知佢卖台菜。然而，枱与枱之间有点逼，快闪食餐饭就可以，坐耐少少倾吓偈就唔多方便，人多时，仲需要有搭枱嘅心理准备。有啲外卖单张攞，就索性扫描完贴出嚟，就一次过睇晒有啲咩嘢选择，都离不开台式小食、面条、便当、甜点……等等，虽然有唔少特色茶饮，但反而无珍珠奶茶。三色海鲜茶渍饭 $109餐牌已注明三色海鲜有蟹肉、广岛蚝及鲷鱼，都喺喜爱嘅料，同埋茶渍饭食落清爽，啱晒呢个时候食。整碗茶渍饭甚有睇头，份量十足，3大只广岛蚝之外，仲加咗唔少饭素同紫菜，不过，蟹肉呢？鲷鱼呢？与其话茶渍饭，其实应为汤饭，因为明显倒入嘅喺上汤，幸而，个汤都清香不浊，配饭食都唔差。而且，啲广岛蚝好得，大只肥美，有蚝香。如果细心啲留意，几抹蟹肉就放晌碗边，但由于有少少碎湿湿，所以，第一眼真喺唔觉。蟹肉都几鲜甜，不过，都喺两炷仔就食晒。捞两捞，都喺揾唔到啲鲷鱼，反而有啲大大粒嘅蟹籽，唔知喺咪无晒鲷鱼，但应该落单前跟客人解释番个情况。再者，俾几
走进餐厅内，格局深长，一室木系，若非挂上啲灯笼，台湾电影海报，单从装修都未必知佢卖台菜。然而，枱与枱之间有点逼，快闪食餐饭就可以，坐耐少少倾吓偈就唔多方便，人多时，仲需要有搭枱嘅心理准备。
有啲外卖单张攞，就索性扫描完贴出嚟，就一次过睇晒有啲咩嘢选择，都离不开台式小食、面条、便当、甜点……等等，虽然有唔少特色茶饮，但反而无珍珠奶茶。
三色海鲜茶渍饭 $109餐牌已注明三色海鲜有蟹肉、广岛蚝及鲷鱼，都喺喜爱嘅料，同埋茶渍饭食落清爽，啱晒呢个时候食。整碗茶渍饭甚有睇头，份量十足，3大只广岛蚝之外，仲加咗唔少饭素同紫菜，不过，蟹肉呢？鲷鱼呢？
与其话茶渍饭，其实应为汤饭，因为明显倒入嘅喺上汤，幸而，个汤都清香不浊，配饭食都唔差。而且，啲广岛蚝好得，大只肥美，有蚝香。
如果细心啲留意，几抹蟹肉就放晌碗边，但由于有少少碎湿湿，所以，第一眼真喺唔觉。蟹肉都几鲜甜，不过，都喺两炷仔就食晒。
捞两捞，都喺揾唔到啲鲷鱼，反而有啲大大粒嘅蟹籽，唔知喺咪无晒鲷鱼，但应该落单前跟客人解释番个情况。再者，俾几粒蟹籽，感觉比起俾鲷鱼似乎蚀底好多。
仙草冬瓜茶 +$12虽然无珍珠奶茶，但见到有款冬瓜茶，都喺小弟嘅心水之选，再加入滑嘟嘟嘅仙草，味道又无过甜，合晒心水。
店家有甜品供应，就喺啲芋圆，由于碗饭确实大大碗，食完都颇饱，所以，就无点个甜品喇。环境有少少挤，服务普普通通咁啦，食物就有点未符预期咁，所以，整体而言，只可以打个合格俾佢。
张贴
