影片
更多
2024-07-09
5233 浏览
今日老公带左去北京道1号间日式餐厅high tea，入去就见到个无敌大海景，而个high tea set有好多嘢食，主要系日式。High tea set以热气球为主题，金色框架加上绿叶同蝴蝶做装饰，童真得黎又有少女心，超级超级靓，非常吸引。而甜品塔就系透明金边，好精致，每枱客人都在打卡。热气球：顶两层有巴马火腿芝士卷同忌廉芝士鳗鱼，入口充满芝士味道。中层有两款刺身，拖罗厚切有口感带薄薄油脂，甜虾又甜又大只。底层有三款，时令海胆鲜甜够味，吞拿鱼蓉蟹肉最中饼好好食，火灸粟米沙律嘅粟米烧得够香，沙律爽口清新，整体刺身有质素，热气球食物配搭都唔错。咸点：有三款唔同咸点，三文鱼刺身大块肥美，鳕鱼干仲系热，非常脆口，点埋沙律酱仲好味，而日式炸蟹钳同样都系热食，呢个就比较香口。甜品塔：顶层有樱花水信玄饼，好似水晶球一样，卖相够靓无得输，加少少蜜糖已经OK。日本和菓子有5小粒，外皮咬落烟烟韧韧，其中有豆沙蓉、咖啡蓉、樱花蓉同蜜瓜蓉等味道，整体甜度刚好。中层有芝士蛋糕，口感厚实，几滑。另外绿茶味蛋卷绿茶味超浓，有绿茶苦涩味道，好好味。而士多啤梨蛋卷味道正常，唔太甜。底层时令水果有哈蜜瓜、青提同士多啤梨，
High tea set以热气球为主题，金色框架加上绿叶同蝴蝶做装饰，童真得黎又有少女心，超级超级靓，非常吸引。而甜品塔就系透明金边，好精致，每枱客人都在打卡。
热气球：顶两层有巴马火腿芝士卷同忌廉芝士鳗鱼，入口充满芝士味道。中层有两款刺身，拖罗厚切有口感带薄薄油脂，甜虾又甜又大只。底层有三款，时令海胆鲜甜够味，吞拿鱼蓉蟹肉最中饼好好食，火灸粟米沙律嘅粟米烧得够香，沙律爽口清新，整体刺身有质素，热气球食物配搭都唔错。
咸点：有三款唔同咸点，三文鱼刺身大块肥美，鳕鱼干仲系热，非常脆口，点埋沙律酱仲好味，而日式炸蟹钳同样都系热食，呢个就比较香口。
甜品塔：顶层有樱花水信玄饼，好似水晶球一样，卖相够靓无得输，加少少蜜糖已经OK。日本和菓子有5小粒，外皮咬落烟烟韧韧，其中有豆沙蓉、咖啡蓉、樱花蓉同蜜瓜蓉等味道，整体甜度刚好。中层有芝士蛋糕，口感厚实，几滑。另外绿茶味蛋卷绿茶味超浓，有绿茶苦涩味道，好好味。而士多啤梨蛋卷味道正常，唔太甜。底层时令水果有哈蜜瓜、青提同士多啤梨，三款甜度都可以。
柠檬马黛茶：清清淡淡，柠檬味唔会太重，茶味亦唔会涩或太浓，加少少蜜糖调味，几好。
张贴
