張公館

营业中

休息中

一直以来都好钟意饮茶，因为可以食到好多唔同品种嘅点心。周末嘅第一餐我哋决定去饮茶。无敌海景加精致靓点心，今日心情好好，愉快嘅周末从饮茶开始😋羊肚菌素饺首先要讲下呢个羊肚菌素饺，外皮薄透，咬落去滑滑地，内里包住嘅素馅新鲜又香味十足。羊肚菌嘅香气令整个饺子更加出色，好有层次感！脆脆笑哈哈呢个点心就好特别，佢里面包住虾肉，外面仲有一块油炸鬼，搭配肠粉，食落去脆口又有嚼劲，忍唔住多食几件！酥皮菠萝叉烧包酥皮菠萝叉烧包，酥皮外表金黄酥脆，入面包住香浓嘅叉烧馅，甜中带咸，口感一流。每咬一口都感受到叉烧嘅香气。荷香鲍鱼瑶柱珍珠鸡呢个珍珠鸡真系冇得输，鲍鱼同瑶柱嘅搭配令整个饭香气四溢，荷叶包住嘅饭粒亦保持咗湿润，食落去咸香可口。养颜红枣糕作为甜品，养颜红枣糕清新又唔会太腻，红枣嘅甜味适中，口感滑溜。生磨蛋白杏仁茶最后系生磨蛋白杏仁茶，呢碗杏仁茶滑溜，味道浓郁，饮落去好舒服，特别适合喺饮茶完结后嚟一杯，既养身又满足。