蟹仙華舫

营业中

休息中

食过咁多间海鲜蒸锅，「蟹仙」系列真系我食过之中最好既蒸锅！九龙城、新蒲岗、铜锣湾、油塘…几间都试过，每一间既质素都系一洗，完全唔驶担心佢地既海鲜系唔新鲜！仲要有非常好既服务质素，佢地并唔系米之莲，但系服务极之窝心，即使每次都系叫佢地既套餐，都有专人推介当日既时令海鲜（因为个餐都要拣某几种海鲜）。佢地唔系因为卖唔哂而专登讲𠮶样叫你食，而系每次推介得都真系好得！今次食左个蛏子，好食到不得了，鲜甜！完全唔驶任何酱料，一定要蒸完就食，鲜味到😋个松叶蟹有无比惊喜！冻食，极鲜极甜，啲膏都系鲜甜，呢个真系要encore！仲有琵琶虾，我个人真系好钟意，甚至觉得好食过龙虾，佢比龙虾既味更清甜，亦唔系度度都有得食，所以黎亲呢度都要食。今次仲有试左蒸鸡，滑到不得了，唔老唔鞋口，真系蒸滑鸡🥰到最后食个粥底，真系大满足，绵到呢…！