Italian Tomato Café (MOSTown新港城中心) (已搬遷) 新店位置

马鞍山嘅Italian Tomato 一向都好少人，一个午餐$64- $138都有，其实价钱都ok，但咁少人，难免会令我觉得系食物唔多好食。今日同朋友一齐去，纯粹因为易揾位，而且方便BB 车岀入。我叫左呢个黑松露蛋三文治餐，配冻柠茶及餐汤椰菜花忌廉汤。上餐速度都好快，卖相亦算是不错。松露份量都几多，可是味道淡得如无味，鸡蛋炒得几滑，作为鸡蛋三文治是唔错的，但松露蛋三文治就唔合格了。椰菜花忌廉汤见到椰菜粒，亦冇椰菜味，单纯白雪雪的一碗汤，味道不过不失，唔讲真系唔知系椰菜花忌廉汤。总括而言，味道是ok的，只系不能讲究椰菜花汤有椰菜，松露炒蛋有松露香。😅坐得舒适，冇限时用餐，同朋友倾计饮杯野也是不错的选择。