妙語牽 (已結業)

在九龙湾享乐买完面包，上了楼上逛逛。碰见一间曾经TV 有介绍过嘅养生汤水店，今日既然行到攰攰哋，咁不如坐低凉下冷气，饮啖汤补一补。佢哋主打冇味精，冇鸡粉，刚刚开业一个月。椰子雪耳响螺乌鸡汤 $60鸡汤底，有几片椰子及响螺片，一只乌鸡脚，仲有少少雪耳，可惜冇咩椰子味，少少过咸，但饮完感觉舒服及确实有点黏口，应该系真材实料冇味精。门口有个冻饮柜有雪菊茶，豆浆及罗汉果夏枯草茶。买咗支雪菊，好有菊花味，但没有甜味，解渴。，店内仲有台湾制造的茶面膜。地方干净，舒服宽躺，款式选择不多，要好D生意，老板要再想想办法啦。