翠華餐廳 (已結業)

自己入去澳门,未食晚饭就返香港,落船之后觉得好肚饿就走咗入翠华食晚饭.因为平时日头排晒长龙,就算喺呢头返工都从来未去过呢间翠华,好在夜晚完全唔使等位.宵夜餐无野啱食,就叫咗个麻辣嫩鸡米线,辣就系几辣嘅,但系一啲都唔麻烦,辣到死死实.嫩鸡竟然一啲都唔嫩,虽然唔算好老,但系真系几鞋口,基本上睇个样都知.另外仲叫咗一个沙爹牛腩面,应该冇得伏啦挂.点知沙嗲一啲都唔沙嗲,牛腩唔系好嫩滑,不过都住得几冧.用呢种牛腩整普通嘅牛腩面应该会比半吊子嘅沙嗲牛腩面好好多.P.S. 呢度既侍应要叫好多次先至肯斟水,最后懒得叫侍应宁愿自己攞水斟.夜晚明明已经冇乜客㗎啦,仲咁冇记性.