影片
更多
2021-08-20
987 浏览
因为消费卷优惠，所以今晚去稻香打边炉。之前消费卷一出，朋友就系稻香买左$1000送$500 coupon 。依家夜晚仲有8：30前7折，8：30后半价优惠，coupon都可以照用，讲真真系抵到爆炸，唔怪之得，日日都见到排长龙。平到咁，我地今日就谂住叫象拔蚌食，见到枱面放左张优惠券 ：象拔蚌一条+醉鸡锅 $268 。好平㖞，如果分开叫 一条象拔蚌$188 ，醉鸡锅$128 。咁紧系叫set啦。(但系原来分开叫，仲抵，点解.....下面计俾大家睇)一黎食左象拔蚌先，就咁刺身食，都有D鲜甜味，不过食耐左，D冰开始溶，都系渌一下 ，稳阵啲，渌一渌鲜味仍然喺度， 仲多咗啲爽口嘅感觉，不错。再试下D鸡，鸡肉无咩味，酒味就唔太浓，反而药材味就重啲，汤底仲有D甜味，可能因为有D红枣喺度，越滚越出味，用黎打边炉都几好。再叫左个滑牛，四宝丸同薯粉，正正常常，一般酒楼既货色，无咩特别。食饱埋单走人，两人$442，当时觉得真系好抵。但有小插曲：返到屋企朋友话原来象拔蚌𠮶set 系无得再7折，因为一直都话8：30前，所有野食都有7折优惠，如果计返，分开叫7折后 ：象拔蚌 $188=$131.6 ,醉鸡锅 $12
依家夜晚仲有8：30前7折，8：30后半价优惠，coupon都可以照用，讲真真系抵到爆炸，唔怪之得，日日都见到排长龙。
平到咁，我地今日就谂住叫象拔蚌食，见到枱面放左张优惠券 ：
象拔蚌一条+醉鸡锅 $268 。
好平㖞，如果分开叫 一条象拔蚌$188 ，醉鸡锅$128 。咁紧系叫set啦。(但系原来分开叫，仲抵，点解.....下面计俾大家睇)
一黎食左象拔蚌先，就咁刺身食，都有D鲜甜味，不过食耐左，D冰开始溶，都系渌一下 ，稳阵啲，渌一渌鲜味仍然喺度， 仲多咗啲爽口嘅感觉，不错。
再试下D鸡，鸡肉无咩味，酒味就唔太浓，反而药材味就重啲，汤底仲有D甜味，可能因为有D红枣喺度，越滚越出味，用黎打边炉都几好。
再叫左个滑牛，四宝丸同薯粉，正正常常，一般酒楼既货色，无咩特别。
食饱埋单走人，两人$442，当时觉得真系好抵。
但有小插曲：
返到屋企朋友话原来象拔蚌𠮶set 系无得再7折，因为一直都话8：30前，所有野食都有7折优惠，
如果计返，分开叫7折后 ：
象拔蚌 $188=$131.6 ,
醉鸡锅 $128=$ 89.6
total : $221.2
依家优惠set $268 ，仲贵左 $46.8
不过真心都觉得稻香系好平，咁既价钱真系抵到烂，只不过依家好多地方 (不止系稻香) 有时D收费系有D奇怪，有时自己order前都要问清楚，今次只可以话自己无留意
总括都食得开心既，唔记得讲如果夜晚打边炉，系可以任饮啤酒汽水，同埋无限时间，所以如果想慢慢坐饮下啤酒，食少少野。呢度都系唔错既选择。
张贴
