聚會小廚雞煲火鍋

营业中

休息中

餐厅食物系唔错嘅，系新鲜同够镬气。但系老板啲态度就认真好差。我哋一行四人点咗蒸鳝、水蛋、椒盐鲜鱿、乳鸽、蒜蓉炒菜心。首先嚟咗个乳鸽，热辣辣都好juicy，但系好奇怪系辣嘅，不过只系微辣，咁我哋不以为意，以为系呢间餐厅嘅特别味道咁样啦。跟住嚟嘅𩠌都冇问题。最后嚟咗个蒜蓉炒菜心，又系辣嘅，可以话有谭仔五少辣咁辣。咁我哋都算啦，又唔系食唔落，所以都照食晒。去到最后咁好奇问吓老板点解啲嘢系辣嘅，个老板嘢态度系唔相信，反而反问我地乳鸽点会辣，仲话炒菜心系因为蒜蓉辣。有冇搞错！当我哋白痴？以为我哋分唔到咩系蒜蓉辣？讲讲下又自打咀巴话啲油啱啱吵完辣野，再攞嚟炸乳鸽同炒菜咪辣啰！痴线，明知炒完辣野就唔好攞返同一兜油嚟炒其他𩠌喇！个老板仲要问同样食紧乳鸽嘅另一枱辣唔辣，咁另一台就话唔辣，可能有啲人食唔惯咁。个老板听完就无理过我哋。其实我哋唔系要求啲乜嘢只系想反映下，咁个老细其实自己都知个问题系边系咪应该讲返句唔好意思？佢冇讲！反而系觉得个客系讲大话咁。好hard feeling。几好食都无用，态度咁差，以后都唔会帮衬！