聚會小廚雞煲火鍋

营业中

休息中

揀左醉雞湯底 。醉雞湯無酒味，甘味重，受唔到苦味既會覺得好苦 。職員會幫你計時煮好，等食就得 。雞味唔重，滑口 。服務唔錯，職員招呼勤快。叫左一份蔬菜，2人食份量剛好。叫左一份餃子，餃子大大粒，但唔係 韭菜餡 ，唔岩我口味

今晚經過聚會小廚，就決定與朋友在這食晚飯，先嚟個爽辣魚皮，個個食到讚口不絕，跟住豉油王煎蝦，豉汁蒸帶子，啱啱好火喉，味道一流，再嚟雞㷛要小辣，平時唔食辣嘅我，都忍唔住食咗幾塊雞，真係好味，叫咗個小抄王，好有大排檔嘅鑊氣，我哋再encorn呢碟仲有個一口脆豆腐，外脆內軟，一啖一件，好快就食晒成碟，無嚟一段日子，食物水準依舊令人開懷大吃一個字“掂“

難得朋友旅遊回來，加上她又係三月壽星，幾位好友特意聚一聚，選了這間小廚。當晚選了野味的雞煲，香口小炒王，彈牙的炸墨魚餅，蒸海鮮等等。水準不錯，大家一致滿意，再切埋生日蛋糕，完美的晚餐聚會。有時去試吓一些街坊小店，會有不一樣的驚喜!

先後去個多次這間聚會小廚。今晚又約了幾個好朋友到此館吃晚飯和聚聚，首先當然要叫我們一班朋友愛吃的、每次來必食的辣魚皮和豬紅做餐前小吃。跟住我們點了這間出名的重慶雞煲(我們要了少辣)。這雞煲也是我們每次來必叫的餸菜之一，另外我們也叫了煎墨魚餅、豉椒蒸白鱔、小炒皇、蒜蓉白菜仔和 豉汁蒸帶子(剛巧做緊特價)。所以餸菜也好好味兼保持一向的水準，值得一讚👍😋所以我會繼續推介給我的朋友這一間值得推介的小館「聚會小廚」。

走入「聚會小廚」，我心諗，今晚一定食得暖笠笠！環境企理，先不講，聞到嗰陣陣飯香，已經好有食欲。🍚第一輪點咗白灼蝦，咬落去，蝦肉鮮彈，一啖一隻咁食，滿足！轉頭無啦啦想食靚蟹，清蒸膏蟹上桌，個個膏滑嘅蟹，嚟嘅正！掂晒。再嘗孜然骨，孜然香氣勁夠晒力，骨頭周圍啖啖肉嘅，吃得我停唔到口。🦐上湯浸娃娃菜嚟咗，輕輕鬆鬆嘅清甜，轉個口味剛剛好。再試返個金銀蛋肉鬆浸莧菜，滋味豐富，層次分明，一啖肉鬆，一啖莧菜，絕配添！😌份香煎墨魚餅，外皮香脆得嚟，唔油膩；豉椒炒蜆嗰個醬汁，辣辣地，豉味十足；鮮蜆肉，更加咬落有勁。全晚飲咗啖啖涼快beer，幾杯落肚，食得咁欣慰，四郎離席都咁輕鬆。💯今晚食飽，講笑，個肚兜，納番晒個世界嘅幸福。這家「聚會小廚」真係唔走氣、舒服，港人食飯講究個開心，我話你知，食完之後，成班人笑口常開，真係值得留戀再三！

🥢炭烧猪颈肉这个是蕞好吃的，份量也好大，但是架不住太好吃了，一点也没剩，猪颈肉特别嫩，越嚼越香，蘸上泰式甜辣酱更好吃😋🥢豉汁蒸白鳝豉汁的咸香味十足，白鳝很新鲜，吃起来爽脆嫩滑，推荐！🥢辣9⃣️煮花螺这一锅上来真是又香又辣，花螺螺肉挺大的，有嚼劲很弹牙，一定要蘸汤吃，越吃越辣，很适合下9⃣️🥢榄菜肉松干煸四季豆很有锅气，超下饭！🥢还有个凉拌鱼皮也好吃😋！！！！！！！！！！！！！！！！！

約左朋友食雞煲，排大長龍，附近行下隨便簡左一間。員工都比較粗豪大大聲。我哋都大大聲叫左個全只雞煲，一個魚腩煲，一個豆腐，還叫左一d菜打邊爐。主要食雞煲，微辣味道，最近真係食得好多雞煲，但呢個真係比較優秀的，既香又辣，大大舊肉，但感覺份量唔係幾多；魚腩煲都好好味，重口味豆腐就非常麻麻哋，唔係好新鮮的感覺，菜類打邊爐都冇點食，員工小姐加太多水打邊爐，味道談曬價錢都貴貴哋…

野食好食都無用態度十分惡劣，女侍應經常sale貴野食唔要就黑口黑面句句有骨，第一次俾佢sale海中蝦$360一斤叫了10串，第二次去佢sale炒蟹冇叫佢態度立刻360度轉變👀我去緊廁所佢拍我門同我講可唔可以快啲，宜家咩事先，去過廁所都唔得。我完全唔知道佢嗰度有水買，我帶左支水入去飲，佢即刻同我講話黎度有水買印象記得短頭髮女侍應，態度十分惡劣，唔會再幫襯

一個人響土瓜灣道想搵嘢食 , 行下見到呢一間,見到有豉汁蒸白鱔就入去試下啦。地方的確地踎 😄 少少陰暗 不過餐廳入面幾多人同埋有啲嘈(其實預咗)叫咗個豉汁蒸白鱔 ($135左右), 另外叫多一支藍妹兩個白飯。個聲線都幾好食! 味道夠! 份量亦都唔少! 可以餸兩碗白飯來食!😋😋不過由於一個人嘅關係,真係叫唔到其他野食!我見佢仲有其他小炒同埋煲仔菜我諗如果有三四個麻甩佬一齊嚟食應該會幾過癮!最後豉汁蒸白鱔一支藍妹兩個白飯total 190蚊左右。

餐廳食物係唔錯嘅，係新鮮同夠鑊氣。但係老闆啲態度就認真好差。我哋一行四人點咗蒸鱔、水蛋、椒鹽鮮魷、乳鴿、蒜蓉炒菜心。首先嚟咗個乳鴿，熱辣辣都好juicy，但係好奇怪係辣嘅，不過只係微辣，咁我哋不以為意，以為係呢間餐廳嘅特別味道咁樣啦。跟住嚟嘅餸都冇問題。最後嚟咗個蒜蓉炒菜心，又係辣嘅，可以話有譚仔五少辣咁辣。咁我哋都算啦，又唔係食唔落，所以都照食晒。去到最後咁好奇問吓老闆點解啲嘢係辣嘅，個老闆嘢態度係唔相信，反而反問我地乳鴿點會辣，仲話炒菜心係因為蒜蓉辣。有冇搞錯！當我哋白癡？以為我哋分唔到咩係蒜蓉辣？講講下又自打咀巴話啲油啱啱吵完辣野，再攞嚟炸乳鴿同炒菜咪辣囉！痴線，明知炒完辣野就唔好攞返同一兜油嚟炒其他餸喇！個老闆仲要問同樣食緊乳鴿嘅另一枱辣唔辣，咁另一台就話唔辣，可能有啲人食唔慣咁。個老闆聽完就無理過我哋。其實我哋唔係要求啲乜嘢只係想反映下，咁個老細其實自己都知個問題係邊係咪應該講返句唔好意思？佢冇講！反而係覺得個客係講大話咁。好hard feeling。幾好食都無用，態度咁差，以後都唔會幫襯！

今晚，我同班同事加班加到八點幾，個肚都有點餓，於是決定一齊係附近搵間餐廳坐低醫下個肚先。係淅江街橫丁隔離有間聚會小廚，都開左幾年，但未曾試過，故決定今晚一試。環境氣氛OK，坐位寬落，牆上面仲貼滿左很多食物圖片。由於太多選擇，一時間都唔知點咩好，於是就問樓面個位姐姐有咩好推介，原來個位係老闆娘，佢好細心為我地推介左幾樣舖頭熱門食物。最後我地點左菠蘿京都骨，薑蔥炒蟹，涼瓜火腩煲及薑蔥桶蠔。唔需要太耐時間, 一碟一碟又香又熱辣辣既食物就已經擺上檯。唔好話肚餓，就食咩都好味，真心覺得所有食物味道唔錯，值得推介。而家港鐵通車好方便，隨時可以帶屋企人黎食飯。

阿爸阿媽放假唔想煮飯，咁啱發覺仲未食父親節飯，於是決定成家落街食飯！住咗喺土瓜灣幾十年， 都知道呢間聚會小廚開咗都好多年，但真係一次都未食過！上OpenRice睇原來都幾過分，決定一家三口落去試一試佢😋老竇話想食雞煲，但係又唔想打邊爐！ 咁就簡單啦直接叫個雞煲食再嗌其他小菜！薑蔥桶蠔 $168 有成七隻大大隻嘅桶蠔，有預先走油，有落食到脆邊，桶蠔都好鮮甜！豉汁蒸白鱔 $138調味適中，白鱔都係新鮮嘅， 不過蒸得過老，識落唔夠爽脆！重慶雞煲（半隻）小辣 ）$198味道啱啱好，啱晒唔係好食得辣嘅阿爸阿媽，半隻雞三個人食亦都夠有突，雞肉都幾滑👍🏻香煎墨魚餅$98呢個真係極度推介，墨魚餅應該係自己打，新鮮彈牙，咬落去仲有好熱嘅墨魚膠肉汁！一碟有八件，抵食！店員非常殷勤，仲介紹我呢個藍妹啤酒promo比我地一家，上網登記成為會員，就免費送兩支640ml嘅藍妹啤酒！正到爆！咁啱做到今日咋🤣

最近悶悶地想約幾個好朋友一齊出黎食飯聚聚, 一講開食飯大家即時想起之前幫襯過係土瓜灣個間"聚會小廚", 於是決定再一次舊地重遊.  當晚6點鐘左右到, 未有太多客人, 我地4個人被安排坐左係中央位置既一張細圓檯. 個晚我地點左重慶雞煲 (選左少辣, 多配料), 白灼蝦 (夠新鮮, 夠大隻), 香煎墨魚餅 (炸得啱啱好, 表面脆卜卜, 裡面墨魚膠滑), 黃金茄子 (茄子每隻都俾蛋黃包住), 最後加多個椒絲腐乳通菜. 餐廳食物質素及樓面服務態度仍保持高質. 飲飲食食, 開開心心, 幾小時轉眼就過去. 知道土瓜灣港鐵即將開通, 我地已經約好下個月再來聚一聚.

話說係好耐好耐之前, 有位小朋友經過一間好舊好舊嘅燒味店, 果間燒味店係好遠好遠嘅庇利街, 小朋友問果位好老好老嘅老闆油雞下裝幾錢, 老闆話好正好正嘅下裝賣52蚊, 小朋友當然無買因為好Q好Q貴..... 過幾日, 哩位小朋友經過浙江街, 聽到有人用大聲公嗌半隻油雞賣38蚊!吓! 唔係嘛!於是乎哩位小朋友買咗半隻油雞試下質素如何.小朋友見到D叉燒外相又唔錯喎, 問有無肥叉, 要好似小朋友咁肥喎! 答案係無肥叉, 只有普通肉叉, 無奈之下又要咗半斤試試.全部都係外賣, 當然.... 小朋友都係想同佢嘅小小女朋友一齊食.小朋友行翻去好遠好遠嘅屋企先去燒煤煮飯, 晚飯就食油雞同叉燒.一打開個外賣蓋, 半隻油雞啱啱好放得落, 好明顯依隻油雞係細雞唔係大雞, 另外無咗隻鳳爪但唔緊要, 即使豉油雞又好,白切雞又好, 隻鳳爪小朋友同佢嘅小小女朋友都唔食, 下場都係掉咗佢.肉質方面嫩滑無渣, 未食已經知道, 因為見到雞骨有輕微血水, 如果一D血水都無, 經驗告知肉質會熟過頭.小朋友嘅小小女朋友中意食肥叉, 打開個蓋見到唔係肥叉, 叉起條肥腰問肥叉在那.....無奈哩位小朋友只有如實告知, 更可惜係..

餐廳開係一條毫不起眼嘅街，門口又開得細細，被我有一種隱世小店嘅感覺.入到店內先知道原來內裡頗闊落，唔會坐得迫迫夾夾，可惜冷氣唔多夠！點咗個豉椒炒蜆，一口脆豆腐同椒鹽牛仔骨.豉椒炒蜆：蜆比想像中大隻，好似係花甲，肉嫩入味，最重要係無沙.一口脆豆腐：哩個係我去到每間餐廳都必點嘅小菜，眼前嘅脆豆腐外脆內軟，滿意，餐廳重好有心思提供咗油鹽水俾客人點，但味道太淡，但我都係欣賞原味。椒鹽牛仔骨：望埋去顏色頗深，以為煮得過火太事身，食落juicy有肉汁唔乾身，只可惜鋪係面嘅香蒜粒有部份係偏硬，所以影響咗少少口感.三個小菜，落單唔洗五分鐘就全部上枱！強！