影片
更多
2010-07-31
10 浏览
黎到5楼厨房通常都会食大大件既食肉，即系牛、猪、羊或者比较 light 既鱼！唔好误会唔系5楼厨房 Menu 无供应肉类，而系朋友们都不约而同放弃大大旧肉，可能天气热啦，清清淡淡反而啱夏天胃口㖞，而且仲深深引证到无肉一样鲜既道理。3 份 Set Lunch：面包 + 汤或沙律 + 主菜 + 饮品 面包：麦加白包分别有3件，一向都钟意呢度既麦包，饀有提子同果仁，不过皮通常都系硬。但今日既面包抵赞，皮烘得脆脆，配与软软既包肉，感觉新鲜，唔使搽牛油都得！汤：甘笋汤 (唯一选择)有甘笋味，稀 "杰" 适中，符合大众要求。 沙律：荷兰蕃茄沙律(另有鸡丝沙律可供选择) 平时食蕃茄好少注意蕃茄类别，今次注明荷兰蕃茄，觉得有冲动试下。原来呢只荷兰蕃茄比日本鱼子大小小，有红色同黄色，皮簿兼脆，一咬果然好似鱼子响口中爆开咁，"BOo" 一声果肉同汁就流出黎，好有趣！茄味唔算浓，红色会较有味，但食唔到有核，如果屋企有呢种蕃茄做小食，食得过瘾又健康。其他沙律菜同样非常新鲜，伴上带小小酸甜既特别沙律汁，，好清新、好正！ 主菜：3份主菜都随住上枱时香气四溢，加上卖相不俗，未食先口水流！- 青口扁意粉：青口新鲜，刚
3 份 Set Lunch：面包 + 汤或沙律 + 主菜 + 饮品
面包：
麦加白包分别有3件，一向都钟意呢度既麦包，饀有提子同果仁，不过皮通常都系硬。但今日既面包抵赞，皮烘得脆脆，配与软软既包肉，感觉新鲜，唔使搽牛油都得！
汤：甘笋汤 (唯一选择)
有甘笋味，稀 "杰" 适中，符合大众要求。
沙律：荷兰蕃茄沙律(另有鸡丝沙律可供选择)
平时食蕃茄好少注意蕃茄类别，今次注明荷兰蕃茄，觉得有冲动试下。原来呢只荷兰蕃茄比日本鱼子大小小，有红色同黄色，皮簿兼脆，一咬果然好似鱼子响口中爆开咁，"BOo" 一声果肉同汁就流出黎，好有趣！茄味唔算浓，红色会较有味，但食唔到有核，如果屋企有呢种蕃茄做小食，食得过瘾又健康。其他沙律菜同样非常新鲜，伴上带小小酸甜既特别沙律汁，，好清新、好正！
主菜：
3份主菜都随住上枱时香气四溢，加上卖相不俗，未食先口水流！
- 青口扁意粉：青口新鲜，刚好既熟度，能保持肉质弹性、水份同鲜嫩。虽然唔系顶级肉厚既青口，但一分钱一分货，Set Lunch 做到咁，已经好唔错！扁意份靭度都符合大众要求，但我个人口味就钟意更有咬口既意粉！值得一提系个汁，蕃茄配上小辣，做得好野味，同其他食材非常配合，而且仲好啱热天，有心思！
- 杂菌意大利饭：杂菌亦都系非常新鲜，有爽口、有软熟既，口味清新自然，配上白汁意大利饭能够做到中和既作用，唔洗太 "挂" ，亦系唔错既选择。不过极度怕腻既朋友，就可能要避开容易饱肚既意大利饭喇！
- 蚬配扁意粉：亦同样系好新鲜既原只蚬，朋友可算系食肉兽 (红肉)，但都赞呢个蚬好甜，可见得系相当唔错。扁意粉都同样配以蕃茄辣汁，同样系好正啦！
餐饮：热咖啡
咖啡同奶都够热、味道香浓，好ok 啦！
享用过一餐无肉既午饭，大家都一致认同呢餐系无肉一样鲜，非常满意！除左材料一定新鲜外，厨师煮功都唔能够沫杀！
环境：地方唔大，以白色为主，胜在布置闲逸，加上通往露台既落地大玻璃，自然光线充足，遇上阳光灿澜既天气，心情会倍觉开朗，有点远离烦嚣、暂时放开工务既轻松心情！
服务：都能提供专业服务，对菜式食材有认识，能解答客人疑问。若脸上能多挂点笑容会更完美。
张贴
