蝦棧 (已搬遷) 新店位置

今日同米仔行花墟买盆栽，都唔知点解佢系都钟意买多叶植物，全部都绿色，都唔知几时先见到开花！由头行到尾，又由尾行返到头，再行去买心水植物，行到超累，系时候医肚，我就揾左呢间虾栈，眼见佢的虾，只只游住水，非常生猛，新鲜，就入去试下！话明虾栈，梗系食下虾，无虾不欢啦！三杯虾 一上枱，色香味已经有齐！新鲜生猛的虾，果然系好弹牙！三杯的咸香果然够劲，入口就会令你著迷！只只都够大只，虾头入面仲有肉同虾膏，虾膏香甜，好味到不得了！一口炸豆腐 一口炸豆腐，配七味粉点缀，配上少许椒盐，味道己很配搭！浓浓的豆味，加上外脆内软，一口放入口，滋味了！黑麻油鸡 入冬最好就系要进补！见到有麻油鸡，就系要点啦~~充满麻油香的滑嫩鸡肉，加上老姜微辣与米酒甘甜酱汁，一入口，那股温热感从胃部缓缓蔓延至全身，不禁让我感到满足与幸福！羽衣甘蓝羽衣甘蓝系我喜欢的其中一款蔬菜，可以做沙律之余，又可以炒。今次就来个蒜蓉炒，羽衣甘蓝的质地系偏硬，个人认为多咀嚼才好，配上蒜蓉，配搭得宜，很不错！