影片
更多
2012-09-16
1176 浏览
自从加入咗老婆教会嘅一个弟兄小组，同依班弟兄一时晌教会聚会，一时就出去食饭，所以就多咗出嚟一齐饭局，差唔多个个月都有。不过，我哋志在揾个聚脚点，彼此交流倾偈，食乜嘢反而真喺好次要，好似今餐咁，只喺嚟到丰盛依间可谓街坊酒楼打鞭炉，烚吓烚吓起势滚。晚市好多客都喺嚟打鞭炉，胜在够抵，星期一至日同价，成人$78，小童$68（9:00pm后平多$10），但就收番$12茶芥、$20酱料费同加一，所以埋单每位$120。任饮任食2.5钟，比一般只喺食两个钟头更加够喇。$12茶芥就摆明巧立名目，因为多款任饮饮品，有几多个会饮茶丫？另外佢本身又收$20酱料费，所以个「芥」又喺揾老衬，不过，依$12我就当任饮费，饮得两罐汽水都赚番啦。哈哈！之不过讲开任饮，又算几好㖞，完全自取，唔使剔纸咁麻烦，出面摆晒几大桶汽水、啤酒任拎，仲有竹蔗水、酸梅汤、橙汁任斟。打鞭炉咁燥热，小弟就边食边饮，一般都3、4罐汽水加酸梅汤先够皮。收得$20酱料费，佢都俾番咁上下嘢你。饮品旁就喺自助酱料枱，有葱花、红椒丝、青椒丝、香茜、生蒜蓉、炸蒜粒（熟蒜）、XO酱、麻酱、白芹粒、指天椒粉、豉油、辣椒豉油多种，俾系点混酱得！未讲火锅料前，仲
晚市好多客都喺嚟打鞭炉，胜在够抵，星期一至日同价，成人$78，小童$68（9:00pm后平多$10），但就收番$12茶芥、$20酱料费同加一，所以埋单每位$120。任饮任食2.5钟，比一般只喺食两个钟头更加够喇。
$12茶芥就摆明巧立名目，因为多款任饮饮品，有几多个会饮茶丫？另外佢本身又收$20酱料费，所以个「芥」又喺揾老衬，不过，依$12我就当任饮费，饮得两罐汽水都赚番啦。哈哈！之不过讲开任饮，又算几好㖞，完全自取，唔使剔纸咁麻烦，出面摆晒几大桶汽水、啤酒任拎，仲有竹蔗水、酸梅汤、橙汁任斟。打鞭炉咁燥热，小弟就边食边饮，一般都3、4罐汽水加酸梅汤先够皮。
收得$20酱料费，佢都俾番咁上下嘢你。饮品旁就喺自助酱料枱，有葱花、红椒丝、青椒丝、香茜、生蒜蓉、炸蒜粒（熟蒜）、XO酱、麻酱、白芹粒、指天椒粉、豉油、辣椒豉油多种，俾系点混酱得！
未讲火锅料前，仲有一样嘢喺自助嘅，自助餐有沙律吧，佢就有个蔬菜吧，一大张圆枱，放满成廿多款蔬菜、瓜果、菇菌……，拎个小筲箕，就可以埋嚟睇埋嚟拣。依个安排真喺几好，佢又唔使嘥人手拎嚟拎去，食客又可以按自己喜好要边款、拎多少，最紧要好似店家话斋：「食物宝贵，切勿浪费。」故此，佢哋都好似其他任食嘅店舖咁，清楚写明剩余食物，无论生熟，每两$5，不过为免得失啲客，都喺得个讲字，好少执行嘅，咁依家啲食客普遍都好守规矩，唔会太过份。
汤底分为免费同特选，免费嘅有4款，如粟米猪骨汤、潮式猪肚汤……；而特选就要加钱，由$28-$48，共5款，如有药膳醉鸡汤、马来沙嗲汤……。我哋无要求，觉得要啲免费嘅汤底都够喇，就点咗最大路嘅粟米猪骨汤同香茜皮蛋汤。
一开始就讲话喺弟兄聚会，一枱都喺男士，加上大部份睇身形都喺战斗格，所以首轮点料毫无顾虑呀，一于去尽啲都唔怕。撇除番出面蔬菜吧有嘅嘢，火锅纸上有成50、60款火锅料，一口气点咗好多嘢，乜丸物丸、肥牛鸡件、鲜虾吊桶、鱼云鱼滑、鲩鱼片炸鱼皮……，全部一小碟为一小份，几盆火锅料轮住送上嚟，都无对嚟多定嚟少，反正唔够下一轮再落。新鲜食材如鲜虾、吊桶、鲩鱼……用料不俗，三宝丸（自家手打猪肉丸、牛肉丸、鲮鱼球）、鱼滑打得唔错，反而冻肉嘅丸类同肥牛一般，不过整体而言，所食嘅十几廿款配料里面，算喺稳打稳扎，无乜太大出错。再者，一大班人饮住食住高高兴兴咁倾偈，都好尽庆啦！
讲真，自家搞次打鞭炉都几烦，事前洗洗切切，事后收收拾拾，真喺做餐蒙架。依家俾低百零蚊，轻松嚟轻松走，仲要食到饱饱，饮到涨涨，绝对抵架！
张贴
