貴族甜品 (元州街)

营业中

休息中

住系呢区, 好耐都唔食一次贵族甜品, 因为印象中呢间野的确麻麻地。 早几日口痕想食埋糖水先返屋企, 就决定比多次机会贵族, 同见佢都几多人食紧, 就入去食。 因为人多, 店面好嘈, 不过呢D都唔算店铺嘅错. 纯粹入到去嘅第一印象。张枱抹得唔干净，有一粒食物我叫左杨枝甘露, 同行朋友叫左西米露, 两个人都觉得唔好食：杨枝甘露好少水果, 印象中系食唔到西柚肉, 取而代之系橙色一粒粒嘅椰果, 芒果汁亦都系未完全解冻, 食得出一粒粒冰, 唔系卖得平都整到咁求其。朋友碗西米露亦唔好食, 似系白烚西米再沟椰奶, 完全唔夹,食剩大约一半。三五年之内应该唔会再帮衬, 唔值得再比机会。希望下次食会有进步. 不过就算佢执左笠我都唔会可惜。