家家頌餅店

营业中

休息中

记得细个一定系食包做早餐，最钟意食就系吞拿鱼包同芝士条🥖，仲好钟意撕啲芝士出黎留番最后先食😅。大个左之后屋企变左食谷物早餐🥣，就好少再买包食。呢排屋企无人煮早餐，我就决定大手入面包，分别拣左提子包🍇、吞拿鱼包、斑兰软包、提子松饼，另外有啲热辣辣嘅唐饼老婆饼、红豆饼，最后口痕拣埋嘅饭后甜品朱古力千层蛋糕🍰。吞拿鱼包比较少酱，主要系盐浸吞拿鱼肉，同提子包一样好松软，好有空气感。斑兰味软包，都系好有空气感，但就多一份特别嘅斑兰蛋糕味，比较特别。唐饼嘅味道就几甜，不过绝对系意料之内。千层蛋糕就唔算薄层，朱古力嘅味道就靠chocolate chips同面头嘅朱古力粉🍫调味，中间嘅忌廉亦较多，整体感觉比较腻。呢度都做好多特色生日蛋糕🎂，下次有机会可以考虑订番个比钟意卡通嘅朋友仔。