家家頌餅店

营业中

休息中

這間麵包舖種類繁多， 價廉物美， 傳統麵包雞尾包、菠蘿包、提子包有兒時味道， 蛋撻酥皮和曲奇皮都有， 十分美味。 蛋糕也出色， 可訂製卡通蛋糕， 外形和味道都一流，推介黑森林蛋糕， 新鮮鬆軟不太甜，連鎖店冇得比。店舖 老闆 員工 都很有善和很有禮貌，讚。

幫姨甥女慶祝生日，因為住附近廢事麻煩出去訂，自携裝飾要求餅店跟圖片照做，餅店話最快幾個鐘可以起貨，因為裝飾遲咗到貨，取餅當天先比師傅加落蛋糕，上樓玩陣先落樓再拎，點知好有驚喜，師傅神還原，整得非常有心機好靚，帶妹妹取餅時，職員們仲異口同聲讚小朋友好似公主，氹得妹妹好開心，非常建議各位試下，價錢不貴又靚

麵包係我地精神食糧,唔食飯都要食麵包!即使有包包面都好鐘意食麵包!今日來大角咀朋友屋企,無理由兩手空空!當然要買D麵包啦!見到家家頌餅店,當然要去買黎食,做下手信,同朋友happy sharing !職員姐姐話佢地用韓國麵粉造包,提子來至美國!用既都係上等材料!嘩...好吸引呀！太多麵包都好想食...但不能一次過買曬...最後買左...#蝴蝶酥 #鬆餅 #曲奇 #冬甩 #朱古力蛋糕 #香蒜包 #芝士包 #蛋白蛋糕 #朱古力曲奇 #酥皮蛋糕 去到朋友屋企,朋友也話我太瘋狂了!但唔緊要啦!唔係我一個人食...所有人都一齊食..順便開開心心gathering!

今次同好姊妹出來旺角行街購物，姊妹推介之下來到富榮花園的「家家頌餅店」，特色的餅店，被它的麵包及蛋糕所吸引，無論在款式、質素及環境各方面都很好。麵包店位置很方便，地理環境很好，很多街坊幫襯，時常來買蛋糕及麵包。所有麵包都用優質日本麵粉，日本尾張製粉，店中所有食物製造也用人手，生產方面，不會依賴機器。店外見到好多蛋糕款式，十分吸睛，蛋糕款式最吸引我的注視，店內分別放置不同食物，食物各有特色，期待品嚐食物。另一邊放置麵包，窗口可以看到食品款式，多款麵包提供給客人選購。職員都會寫清楚麵包名，客人可以方便留覽，選定食品才付款。我點選了幾款蛋糕、麵包、酥餅、杏仁條及朱古力曲奇，帶回家中慢慢品嚐。蝴蝶酥、老婆餅蝴蝶酥、老婆餅賣相討好，好有美感，蝴蝶酥香脆，老婆餅口感很綿滑，內裡食出鬆軟，不會過甜，好有口感，整體味道好夾，口感細膩，滿載的味道清新。吞拿魚包、日式拉絲芝士包吞拿魚包很香吞拿魚味道，口感鬆化，日式拉絲芝士包，入面有香濃的芝士味，同麵包配合得天衣無縫，味道更勝一籌，正合我的口味。原味蛋糕、斑蘭蛋糕、蛋糕仔原味蛋糕及斑蘭蛋糕各有特色，我最愛斑蘭蛋糕味道，口感軟滑綿綿，空氣感充足，整體甜度討好

前幾日去左大角咀穩朋友朋友介紹左我去一間餅店入面都有好多唔同嘅選擇😋有各種麵包, 傳統糕餅, 撻類 仲有造型蛋糕🤓我地揀左好多糕餅同麵包🍰🍞然後貪得意拎左個下午茶架出嚟扮high tea🤣重點推介✨✨提子鬆餅 Scone 🍇五蚊一件好抵食🥰 十二蚊三個🥰好多提子🍇 嚟自美國大大個 鬆餅好鬆化 😋椰撻😋😋小妹最鐘意呢件🤤🤤超香濃椰香味🥰 又唔會好甜個撻皮好重牛油味 好好食.豆沙糯米糍外皮口感好彈牙✨唔會太厚之餘豆沙餡多到流哂出黎🤤而且豆沙味仲好香😋盒裝合桃牛油曲奇🍪 $28一盒有好多塊一咬落去好鬆脆 勁香牛油味😋不知不覺食左好多件😂係afternoon 必備嘅小食🥰紫菜肉鬆蟹柳點少得買返麵包食下❤️好耐無食過呢個紫菜肉鬆蟹柳比較懷舊嘅包款 呢到都有😃麵包好鬆軟 而且好足料.餅店注重採用嘅材料所有麵包選擇左日本麵粉🇯🇵 不含豬油而蛋糕係用左韓國嘅麵粉🇰🇷所有食品嘅價錢實惠 重點係選擇多😋

今日到富榮花園搵朋友借野，都要買點小食上去嘅，行過一間麵舖，見佢款式都幾多，而且見都多街坊幫襯，就入去選購下先，在選擇的時候，店員說鋪頭是用日本同韓國麵粉制做嘅☺️，咁買左芒果同朱古力蛋糕，蛋糕軟綿綿，還好不太甜😘。另外買左菠蘿蛋糕，合桃蛋糕同朱古力餅仔比朋友仔食😋，佢都話我識貨喎🤭🥳，因佢經常都會買黎食😋

呢間麵包舖提供多款傳統包類、蛋糕、曲奇、批撻等，真係每日早餐下午茶食佢都唔會嫌😋主力做街坊生意，所以價格非常親民，而且姐姐服務態度超Nice，人情味勁濃👨‍👩‍👧‍👦💗曲奇蛋撻($3.5)外層嘅曲奇撻皮烤至金黃香脆，食落鬆化富牛油香🥧中間嘅雞蛋布甸滑溜溜，有番咁上下厚度，食落蛋味特別濃郁🥚💗提子鬆餅($5)表層略嫌未夠脆，但整體口感都算鬆化濕潤，唔會過軟章口，重點當然有大量提子乾增加口感同甜味🍇如果蛋香同牛油香再突出d會更好，不過呢個價錢已經做唔得唔錯🥯💗蓮蓉皮蛋酥($8)酥皮鬆化唔黏口，而且厚薄適中，𥚃面有綿密嘅蓮蓉，呢個唔似一般嘅皮蛋酥咁放有酸薑片，不過悲傷小姐比較鍾意呢款。最值得讚係有原個皮蛋，Q彈嘅蛋白配上甘香嘅蛋黃，非常豪爽🤩💗菠蘿豆蓉包($8)菠蘿包嘅重點當然係面層香脆鬆化嘅菠蘿皮🍍覆蓋面夠大唔會唔夠喉，食落好重牛油香🧈麵包仲有滿滿香甜嘅豆沙蓉作餡料，令整體味道更有層次💗雞尾包($5)麵包啱啱新鮮出爐熱辣辣，質感非常軟熟煙韌，富麵粉香🍞中間以砂糖同椰絲作餡料，帶濃郁嘅甜味，但絕對唔會膩🥥

而家夜晚都唔可以喺餐廳堂食，平時食完晚飯都會好肚餓，所以就去麵包蛋糕店 -家家頌餅店 掃咗好新鮮出爐嘅麵包蛋糕同埋甜品返屋企慢慢嘆😋。麵包類都有好多款選擇，款式夠晒多元化。呢間蛋糕餅店使用嘅麵粉係用 #日本尾張製粉，而且所有麵包🥯採用 #優質日本麵粉製造，不含豬油，只含生油，所有食品都係人手做，不用機器生產。當中的 #蓮蓉皮蛋酥，是採用純正白蓮蓉製成，不用黃蓮蓉，食落去外皮有香脆嘅口感，仲有豐富嘅內餡。#杏仁條 鋪滿滿滿的杏仁，食落去有鬆脆威化的口感，很滋味呢！除咗原味三角蛋糕，還有 #斑蘭蛋糕 口味選擇。#甜品控 的我即刻買返個 #木糠布甸 同埋 #芒果布甸 返屋企，食飽飯之後當甜品食好滿足丫！

記得細個一定係食包做早餐，最鍾意食就係吞拿魚包同芝士條🥖，仲好鍾意撕啲芝士出黎留番最後先食😅。大個左之後屋企變左食穀物早餐🥣，就好少再買包食。呢排屋企無人煮早餐，我就決定大手入麵包，分別揀左提子包🍇、吞拿魚包、斑蘭軟包、提子鬆餅，另外有啲熱辣辣嘅唐餅老婆餅、紅豆餅，最後口痕揀埋嘅飯後甜品朱古力千層蛋糕🍰。吞拿魚包比較少醬，主要係鹽浸吞拿魚肉，同提子包一樣好鬆軟，好有空氣感。斑蘭味軟包，都係好有空氣感，但就多一份特別嘅斑蘭蛋糕味，比較特別。唐餅嘅味道就幾甜，不過絕對係意料之內。千層蛋糕就唔算薄層，朱古力嘅味道就靠chocolate chips同面頭嘅朱古力粉🍫調味，中間嘅忌廉亦較多，整體感覺比較膩。呢度都做好多特色生日蛋糕🎂，下次有機會可以考慮訂番個比鍾意卡通嘅朋友仔。

買定麵包做早餐😇😇呢間D麵包又平又軟熟，所以買咗D返屋企做早餐，全部做麵包蛋糕的都是日本製的麵粉，有益健康的油，吃出健康😋😋1-雞肉🐔磨菇🍄包——-濃,濃的雞肉磨菇粒粒，香滑好味，面包又夠軟熟😋😋2-車輪提子🍇包——吃落就是懷舊的感覺😊😊3-提子🍇鬆餅——足料提子，鬆餅有咬口又帶鬆化口感。4-椰撻——-香濃椰絲味道，軟熟又不會太甜，而且仲好香椰味，軟熟香滑⋯⋯😊5-合桃蛋糕——-合桃又香又脆，蛋糕蛋味濃郁又有鬆化口感，一邊吃一邊都有合桃的滋味😝6-朱古力蛋糕——鋪滿朱古力的香濃，咬落啖啖都夾著朱古力的濃香😋7-紫薯麵包——-紫薯香甜軟滑，像吃著紫薯雪糕的感覺⋯⋯😇8-咸朱仔包——-面包咬落濃香又滑，豬仔包的軟熟，吃著童年的回憶⋯⋯全店面包蛋糕都用日本麵粉製作，食用油又健康，半點豬油也沒有，食得出色又健康👍✌️✌️✌️✌️✌️⋯⋯

今日落風球🌀後，即刻去附近既【家家頌餅店】買咗幾款麵包，呢到一星期7日都開門，咁就唔怕買唔到麵包 / 蛋糕呢到同出面店舖不同之處係：蛋糕係用🇰🇷韓國麵粉去製造麵包就用🇯🇵日本麵粉去製造麵包內既提子係用🇺🇸美國提子全無豬油，食得健康又放心紙包大蛋糕🧁新鮮出爐，好鬆軟既紙包大蛋糕，軟綿綿既質感，好香蛋味芝士法蘭克福腸包🌭 呢個包勁大個，有濃郁既芝士，茄汁，沙律醬包圍住，腸仔仲長過個麵包，勁抵食椰賓🍞 椰賓內既椰絲真係好多，鍾意食椰賓一定要揀杏仁條🥨 好鬆脆既杏仁條，面層都好多杏仁片及糖，因為好香脆，所以食完一條又一條提子丹麥條🥖 又大又長，面頭搽上麥芽糖，好多粒提子乾，鬆脆丹麥條提子鬆餅🥯 大大個提子鬆餅，提子乾好好味，鬆餅夠哂鬆化，正家家頌餅店📍旺角富榮花園11號地下

因為呢間餅店就係我公司隔離所以今日放咗工諗住買個蛋糕返屋企食點知去到佢話乜都俾人訂晒就連好普通凍櫃嘅雪米磁都有人訂咗唔講真係唔知呢間鋪咁受歡迎咁快天都未黑就賣晒啲嘢👏🏻👏🏻咁無辦法啦..唯有下次再來我試下d麵包先麵包款式都幾多價格喺奧運來講都算係平㗎啦我買咗2個麵包紙包蛋糕蛋同曲奇餅一個沙律蛋包，另一個辣辣地幾惹味可能因為放工時間買麵包咬落比較硬身不過份量好大個都好足料唔怪得咁多人買~填飽肚子性價比高至於曲奇餅就好鬆化牛油味好重~ 食完要做下運動先得呢

好喜歡搜尋麵包小店, 因為可以尋回兒時回憶, 同連鎖嘅麵包店大不同!  行過見到以前細細個成日食大大一塊嘅蝴蝶酥就被吸引咗入來🥰， 除咗蝴蝶酥 ，跟手買賣老婆餅、蓮蓉皮蛋酥孝敬公公婆婆。 小店的好處就係即焗即賣有焗爐駐場，所以見佢哋所有嘅包點都係新鮮出爐熱辣辣香噴噴， 所以立即買埋豆沙花包、提子鬆餅、夾心蛋糕俾家中各人分享。 人人食完都大讚，麵包鬆軟，甜度適中，而且價錢仲經濟實惠！👍大家有機會黎附近又想尋回兒時回憶，就記得去家家頌餅店買啲麵包或者蛋糕食下喇！

今日去開奧海城拎野比朋友，同朋友係附近食左個lunch ，佢睇我ig 突然醒起話原來你上星期生日呀！我話係呀仲咩，我同你去一間店到買蛋糕食，我食開幾好味架， 我就答好了。去到原來係做街坊生意的店， 睇廚窗都有做公仔蛋糕， 新鮮忌廉蛋糕， pancake , 布丁咁。朋友入去買左個新鮮忌廉蛋糕送比我，仲叫我拎返去同家人分享，佢仲特別加左塊生日牌比我。疫情下，我又唔好意思叫佢來我屋企慶祝， 就收左佢份心意了。我見呢到除左蛋糕，仲有好多新鮮出爐麵包， 蛋撻， 咁我就買左個 朱古力冬甩比仔仔，而我就買左海鹽法包。晚上同家人分享蛋糕， 水果新鮮， 鮮忌廉唔會過甜， 入面蛋糕軟面面幾好喎， 有時食得多cheesecake 都會想食返傳統忌廉蛋糕的。

油麻地附近有間街坊麵包小店，唔只有傳統麵包，仲有啲好精緻嘅蛋糕🍰、曲奇🍪。.估唔到小店都會有賣提子鬆餅。外層酥脆可口，牛油味香濃。另一樣吸引我嘅係朱古力千層蛋糕🍰，口感香滑之餘奶香味十足，仲有少少朱古力碎點綴。長條型的曲奇餅賣相精緻🍪。.傳統嘅麵包都一樣出色🥐🍞。蔥油餅雖然冇落到豬油，但落得夠多蔥，健康得嚟不失美味。而丹麥提子條用嘅仲係美國提子，可見小店喺用料上夠晒心思。.🍞家家頌飽餅專門店旺角富榮花園11號地下