影片
更多
2025-01-12
278 浏览
曾光顾素年设于深水埗（2间）同荃湾西的分店，觉得佢的食品质素平稳，整体印象唔错，今次由朋友提议喺呢度晚膳。假日过嚟，晚市有8-9成客。晚餐选项吸引，但早年推出过、较特别的芫茜意粉经已消失，至于以前食过的汉堡、咖哩猪扒饭同肉酱意粉就仍然继续供应。晚餐主食最平系沙律、肉酱意粉等，包一杯指定的热/冻茶。如想点其他饮品，一律系饮品正价-$12。炸鱿鱼圈：小食，唔记得跟餐有冇优惠；份量唔多，1碟6件；素鱿鱼圈唔系好大件，带鱿鱼的烟靭口感，但唔知系咪自家制作？沙律：卖相吸引，配料算多，牛油果约半个份量；芒果酱味道天然又香甜，提升沙律的整体味道；沙律中的蔬果比例相若，唔系以蔬菜为主，生果亦唔少，有蓝莓、士多啤制、红石榴同金奇异果。不过，餐牌写有蔓越莓而唔系士多啤梨，可能系餐厅换咗食材？！餐牌话沙律菜系有机菜，如果咁计，以$88的沙律连餐饮，收费合理，外食嚟讲，算几抵添~Dirty：用豆奶冲，唔知餐厅系用边款豆奶，但饮落似维他奶，佢做到似系用全脂奶冲出嚟果种厚度，口感唔错，豆奶同咖啡亦夹。咖啡味道浓，nutty，跟餐+$28，值得推介友人点咗我以前食过的肉酱意粉、咖哩猪扒饭同汉堡。我唔敢肯定有冇记错，
假日过嚟，晚市有8-9成客。晚餐选项吸引，但早年推出过、较特别的芫茜意粉经已消失，至于以前食过的汉堡、咖哩猪扒饭同肉酱意粉就仍然继续供应。晚餐主食最平系沙律、肉酱意粉等，包一杯指定的热/冻茶。如想点其他饮品，一律系饮品正价-$12。
炸鱿鱼圈：小食，唔记得跟餐有冇优惠；份量唔多，1碟6件；素鱿鱼圈唔系好大件，带鱿鱼的烟靭口感，但唔知系咪自家制作？
沙律：卖相吸引，配料算多，牛油果约半个份量；芒果酱味道天然又香甜，提升沙律的整体味道；沙律中的蔬果比例相若，唔系以蔬菜为主，生果亦唔少，有蓝莓、士多啤制、红石榴同金奇异果。不过，餐牌写有蔓越莓而唔系士多啤梨，可能系餐厅换咗食材？！餐牌话沙律菜系有机菜，如果咁计，以$88的沙律连餐饮，收费合理，外食嚟讲，算几抵添~
Dirty：用豆奶冲，唔知餐厅系用边款豆奶，但饮落似维他奶，佢做到似系用全脂奶冲出嚟果种厚度，口感唔错，豆奶同咖啡亦夹。咖啡味道浓，nutty，跟餐+$28，值得推介
友人点咗我以前食过的肉酱意粉、咖哩猪扒饭同汉堡。我唔敢肯定有冇记错，以前素年的汉堡好似系用Beyond meat，而家餐牌写系以Impossible meat制作，如果冇搞错，两者价位有差距，前者贵啲，味道浓郁啲，肉味的像真度再高少少。咖喱饭的质素一如以往，卖相吸引，闻落好重香料味，虽然炸猪扒就唔系好大件，但荤食朋友话食唔出系素食，几可乱真。至于肉酱意粉，制作有诚意，酱料中加咗好多车厘茄，但味道始终大路，未必有太大惊喜，不如留个机会试下其他素食，特别啲~
分店地方细细，冷气唔够，朋友喺呢种天气下都一边食，一边滴汗。餐厅的洗手间卫生情况理想，空间亦够。晚餐如选非沙律类主食，再加钱点其他饮品，连加一后，人均消费$150-160，以小店格局加上而家的经济环境，价格略高。观察同席友人的用餐情况，因为只得主食同饮品，真系好快食完。题外话，想平少少，可即时加入成为会员，会有3次9折的优惠，抵食啲。
张贴
