咪走雞餐廳小廚

营业中

休息中

咪走鸡系大埔插旗多年，今晚先第一次黎帮衬，舖名虽然怪鸡，但胜在够突出。街坊生意，出品、环境、服务都几好，一间不错既广东小炒。青红萝卜汤，是晚例汤，又几好饮㖞 ﹗用锑盅装住再放入胶碗内，能保持温度较长时间，滚热辣，非常浓郁，拍得住炖汤，够火喉，正！咪走鸡，半只多谢 HKD70 蚊正。依度既招牌菜，用瓦砵上菜，热腾腾出晒烟，炸炸声起晒泡，见到劲开心，哗哈哈 ﹗卖相似菜胆鸡，即刻整旧髀试试，味道似咸鸡又似沙姜鸡，肉嫩而弹弹的，肥瘦适中，满意，不错。个鸡捞饭都十分惹味！麻婆豆腐，捞饭名物！最初想食另一捞饭绝配鱼香茄子煲架，但居然卖晒茄子啰，依排出街食饭经常叫咩无咩，真邪门 ﹗ 大部份包仔豆腐都够滑，味道香浓，肉味、咸味、辣味够 balance，如果可以再热啲就更好。我个人钟意细细粒滑豆腐啰，可以完全跟白饭溶为一体。