BlissHIVE Bakery Café (已結業)

一入门口，可能周日早上关系，颇多人，但员工只各自顾的在工作枱后走来走去，完全无望过刚入来的客人。我们唯有自己找空位。坐下后，员工不但继续无视新客人，当然冇比餐牌客人，就咁向客人用手指着个餐牌喺边，叫个客自己攞。咁都算啦。点餐时，见到有个红豆包想堂食，咁个员工话堂食要＄25，算啦唔食啰。叫咗个all day breakfast (Smoke turkey breast)、hazelnut latte同埋 matcha latte。同个员工讲要 brown toast，佢一脸茫然，完全唔知brown toast 系乜。算。个所谓all day breakfast，每一样材料都系唔热嘅，连只蛋都唔热，个茄汁焗豆系冻嘅，个麦包多士亦都唔热唔脆，连条肠都系冇煎过嘅。个两杯latte 亦都唔热。一个 all day breakfast同埋两个 latte，盛惠＄175。觉得唔值得不特止，仲好失望一间以为有心做小咖啡室嘅铺头，啲服务同食物质素会咁求奇。