影片
更多
2020-12-23
273 浏览
深秋嘅一个平日同朋友入南丫岛行下、吹下海风、食下海鲜。今次选择由索罟湾行返去榕树湾，贪回程船期比较密，所以我哋嘅午间海鲜餐就喺索罟湾食。可能系平日嘅关系，得两间海鲜餐厅有开，今次就入咗去呢间(因为另外一间之前食过)。得两个人其实食唔倒啲乜，但系餐厅都有五六款二人餐可以拣。我哋叫咗个餐有避风塘虾，啲虾壳脆到可以食埋落肚，又够味道。椒盐鲜鱿，热辣辣，配埋餐厅整嘅酱汁，酸酸甜甜仲好味。因为我哋挂住倾计同睇风景，老细行咗嚟几次「吩咐」我哋趁热食。蒜蓉粉丝蒸元贝，元贝劲细粒啰！而且有别于平时食𫔰嘅，竟然系无淋豉油同熟油。店家话啲粉丝已经调晒味，唔使加㖞蒜茸白菜系烚嘅，我反而几钟意，而且菜本身好甜，好味道。最后一味系炒饭，无乜料，只有杂菜，但好够味，清晒成碟
可能系平日嘅关系，得两间海鲜餐厅有开，今次就入咗去呢间(因为另外一间之前食过)。得两个人其实食唔倒啲乜，但系餐厅都有五六款二人餐可以拣。
我哋叫咗个餐有避风塘虾，啲虾壳脆到可以食埋落肚，又够味道。
椒盐鲜鱿，热辣辣，配埋餐厅整嘅酱汁，酸酸甜甜仲好味。因为我哋挂住倾计同睇风景，老细行咗嚟几次「吩咐」我哋趁热食。
蒜蓉粉丝蒸元贝，元贝劲细粒啰！而且有别于平时食𫔰嘅，竟然系无淋豉油同熟油。店家话啲粉丝已经调晒味，唔使加㖞
蒜茸白菜系烚嘅，我反而几钟意，而且菜本身好甜，好味道。
最后一味系炒饭，无乜料，只有杂菜，但好够味，清晒成碟
张贴
