住家菜 (已結業)

上个月某星期五约左旧同事在这里聚会。Book左五个人的台，但有一位仁兄迟到，我地去得早，就专门拣左最入边的一台坐，边坐边等。坐低10分钟，D伙计已经不停咁行过来等我地点𩠌。我地话仲有人未来，要等等。之后我地张台就不停俾D伙计睥住晒，D眼神真系好黑人憎。我地点左一个汤，四个𩠌。D汤未饮完，就已经俾伙计收走左，仲要问都唔问一声，态度极差。四个𩠌的下场都系一样。结果，我地坐左一句钟，最终系等唔到位仁兄，而要埋单走人。我地觉得不愤，埋单时叫经理过来，向佢投诉。话呢到一D住家的感觉都无，点叫住家菜。隔离个台都系五个人，比我地早来，叫五𩠌一汤（比我地多一碟菜），点解唔赶佢地？果日食D乜已经唔记得了，净系记得好受气。我谂再无下次啦。