至尊雲吞麵雞煲

营业中

休息中

至尊云吞面鸡煲，可以话系唔少大西北人嘅回忆！之前喺屯门同元朗分店都有帮衬过，估唔到开埋入嚟天水围！选址系Wetland Seasons Bay嘅地舖，用餐环境相比起其他两间分店更加舒适👍🏻👍🏻麻辣鸡煲，嚟得呢度当然食佢哋主打嘅至尊惹味鸡煲！有几个辣度可以任居选择，今次就拣咗少辣！上枱嘅时候已经炒熟咗，吸收晒酱汁非常惹味😝😝仲可以无限加鸡，食完第一轮唔够喉就可以再加鸡！食完两三转鸡都饱咗八成，配料方面叫咗少少肥牛、丸类、菜类😆😆炸馒头配炼奶，虽然好邪恶但系间唔中食下真系好满足👍🏻👍🏻同其他舖头唔一样，呢度冻柠茶可以任饮，啱晒一路食鸡煲一路饮！其他水吧饮品包括冻奶茶一样系任嗌，提供咗罐装、纸包饮品以外嘅选择😃😃基本大路嘅汽水都一样有🥤配料选择都唔少嘅！今时今日呢个价钱有任食鸡煲，性价比算系好高了😆😆