常滿百家菜

营业中

休息中

荃湾出名多好嘢食，朋友介绍呢间中菜馆，主打无限时点心、小菜、烧味、甜品，款式多过50款，座位都算阔落，价钱超级亲民化，难怪平日晚上都咁full，想去嘅记得要book位😂去得酒楼点少得食点心～ 呢度用纸仔落单，感觉好传统🤣 最贴心嘅系可以一粒粒叫，唔怕浪费！叉烧包、流沙包、小笼包、蒸排骨、芋丝炸春卷、炸云吞、萝卜丝酥饼、咸水角样样食晒，即叫即整，新鲜热辣辣，需要等候一段时间！个人最喜欢虾饺皇、蒸凤爪、鲜虾烧卖、同牛肉球，虾饺有成四只虾咁多，爽口弹牙，但皮厚咗少少、凤爪胀身，皮骨松开，食落腍滑松软、烧卖口感扎实，十分多肉、牛肉球超级大粒，唔粉，具弹性，肉味香浓，唔洗淋喼汁都OK😛肉类、蔬菜同小食都有好多选择，流沙蛋、花雕醉鸡、蜜汁叉烧、红烧豆腐、四季豆、炒牛肉、炒虾仁、炒斑球，最推介黑醋骨同菠萝咕噜肉，好大碟，黑醋汁包住排骨，晶莹亮眼，带点半肥瘦、菠萝咕酸甜开胃，外脆内嫩，有料☺️出面嘅自助区有熟食、炸物、甜点、饮品，唔知系咪日日唔同，但今次食到嘅猪扒同鸡软骨都系必食item，另外一定要留肚食糖水，特别推介番薯姜汁同红豆沙，够热而且甜度适中，超正😎