影片
更多
2024-11-07
624 浏览
天气渐转寒冷，系时候打边炉🍲。朋友聚会相约南昌荟半岛海港/阿翁火锅馆贪其有无限时任饮任食火锅，仲赠送海鲜拼盘、鲍汁鲍鱼花胶、刺身拼盘、重庆辣鸡锅/澳门猪骨锅/时令羊腩煲。汤底款式众多，有冬瓜瑶柱锅、皮蛋芫荽汤、招牌鸳鸯锅、滋补药膳锅、秘制麻辣锅、蕃茄薯仔锅、姬松茸什锦锅，总有一款啱口味。三选一（重庆辣鸡锅/澳门猪骨锅/时令羊腩煲）：重庆辣鸡煲好惹味，鸡件嫩滑，仲有数旧鸡髀肉，甜辣酱香，麻而不辣，食完鸡件再打边炉！刺身拼盘：厚切肥美三文鱼🍣、嫩滑带子、弹牙螺头、软糯甜虾，整体新鲜。海鲜拼盘：竟然有花蟹，肉质扎实，鲜嫩多汁、大大粒扇贝，仲有弹牙蛏子！海虾呈上时仲郁紧！胀卜卜墨鱼仔、仲有啖啖肉肥美生蚝，全部都好新鲜。鲍汁鲍鱼花胶：花胶可以补充骨胶原、鲍鱼够晒入味，就咁咬都可以食到，炆得够腍。至尊水饺皇：话明系水饺王，内馅充满粒粒虾肉，食得出虾肉新鲜，保持汁水，仲有云耳丝增强口感，仲有大地鱼粉底味，不错！食咗咁多嘢之后都饱咗一半，但系而家先至进入火锅直路，打边炉配料非常多，太多不能尽录，但系食个美国雪花肥牛都已经回晒本，仲未计佢色泽均匀送赠嘅阿翁极级牛颈脊，口感肥嫩而具弹性，被誉为牛肉的最高境
汤底款式众多，有冬瓜瑶柱锅、皮蛋芫荽汤、招牌鸳鸯锅、滋补药膳锅、秘制麻辣锅、蕃茄薯仔锅、姬松茸什锦锅，总有一款啱口味。
三选一（重庆辣鸡锅/澳门猪骨锅/时令羊腩煲）：重庆辣鸡煲好惹味，鸡件嫩滑，仲有数旧鸡髀肉，甜辣酱香，麻而不辣，食完鸡件再打边炉！
刺身拼盘：厚切肥美三文鱼🍣、嫩滑带子、弹牙螺头、软糯甜虾，整体新鲜。
海鲜拼盘：竟然有花蟹，肉质扎实，鲜嫩多汁、大大粒扇贝，仲有弹牙蛏子！海虾呈上时仲郁紧！胀卜卜墨鱼仔、仲有啖啖肉肥美生蚝，全部都好新鲜。
鲍汁鲍鱼花胶：花胶可以补充骨胶原、鲍鱼够晒入味，就咁咬都可以食到，炆得够腍。
至尊水饺皇：话明系水饺王，内馅充满粒粒虾肉，食得出虾肉新鲜，保持汁水，仲有云耳丝增强口感，仲有大地鱼粉底味，不错！
食咗咁多嘢之后都饱咗一半，但系而家先至进入火锅直路，打边炉配料非常多，太多不能尽录，但系食个美国雪花肥牛都已经回晒本，仲未计佢色泽均匀送赠嘅阿翁极级牛颈脊，口感肥嫩而具弹性，被誉为牛肉的最高境界，牛味香浓！
蔬菜及面类有好多款，唐生菜娃娃菜，油麦菜皇帝菜等，清一清都好。
饮品方面有多款汽水啤酒任饮，有忌廉，可乐橙汁，巨峰提子等、当然唔少得有乌龙茶。
总结：
食到捧住个肚走
火锅刺身鸡煲鲍鱼肥牛贵精不贵多
绝对回本
张贴
