淥鼎記

营业中

休息中

星期六收工跟同事去打边炉，本来食得好开心，点知最后一肚火，真系不吐不快.......我地系唔想比人催交枱，先拣"无限时"火锅放题，点知食到8点几，未谂到仲食咩，就同同事叫左雪糕先，跟住先后有2个女职员埋嚟想收走我地个锅底，我地话"仲要架㖞，都未食完"，跟住又有个睇落高级少少嘅男职员行埋嚟，叫我地埋单先，我话"下，我地无限时架㖞"，个男职员话"我知，帮帮忙埋左单先，出面好多人等紧位"，心谂无限时催唛野?! 无限时出面有几多人等位都唔关我地事啦，我话"未食完"，之后个男职员话"我见你地食紧雪糕㖞"，我笑住话"雪糕一定要最后先食得架咩? 点解好似想赶我地走咁嘅?! 我地仲要食菜㖞"，之后个男职员大大声对住个咪讲"23号唔肯交枱"，特登比说话我地听添，真系极之过份，想收贵啲，出啲"无限时"火锅放题，但又要催人交枱，你咪好著数?! 无限时我坐到23:45都仲得呀，之后发现，原来职员仲偷偷熄埋我地个炉，哼，你熄咗我唔识开返咩?! 有啲咁无礼貌嘅员工，真系整臭自己个名，啲食物几新鲜都无用，以后都唔会去呢间食无限时火锅放题架喇😤😤😤