298 Nikuya Kitchen (已結業)

自从之前去完日本试过日烧和牛之后，一直对烧肉念念不忘以为系香港都好难食到性价比高少少嘅烧肉，估唔到好朋友又有好介绍比我！呢间烧肉系位于尖沙咀，走日韩烧肉风，位置唔算难揾，地铁B出口出一直行就到!今次系同朋友食佢好抵食嘅Lunch Set，星期日都有！1200 Walk in都唔洗等位！一个Set大概HK$ 150 up，有几个部位可以拣，我地今次拣左崩沙腩 + 牛小排，追加崩沙腩同牛舌跟餐 有沙律、前菜、卤牛舌、白饭、汤同一款饮品环境舖面唔算好大，有适合唔同人数嘅枱，2人或三五好友聚会都适合！灯光有少少昏暗，配合埋少少背景音乐，成个环境同气氛都比人好舒服嘅感觉。一定要赞嘅一点，烧肉最怕痴网，我地烧左4碟肉，都无呢个情况。大细火又可以自行调较。佢呢度虽然无吸油烟个d烟通，但成个场唔会烟雾弥漫，烧完又唔会成身烧肉味，非常之神奇！！ 食物质素崩沙腩 颜色比牛小排深，油花较少，但肉味较浓，肉质有咬口无筋无渣！配埋珍珠米煲嘅白饭，OMG, 系天堂嘅感觉 唔该追加！牛小排颜色粉粉嫩嫩，呈网状油花，分布平均，一路烧d油一路出，发出吱吱声前后各烧一分钟，肉质最软滑，肉味无崩沙腩咁浓，但油份较多较香，入