千樂燒味餐室 (已結業)

作为一个广东人，久唔久总要食一次烧味。围绕着我工作嘅地方有不下六至七间烧味店，当中最出名有千乐、强记、甘牌及棋哥，都系标榜自己烧鹅出名。不过我今日要讲嘅唔系烧鹅，而系烧味店入边比较豪华嘅选择——乳猪饭。呢度嘅乳猪饭叫做无双乳猪饭，一只乳猪喺度买大约要$800 ，而午餐乳猪饭加嘢饮盛惠61蚊。呢度嘅乳猪皮脆肉滑又足料，而且唔会太咸，亦都唔会有太多骨。师傅总会切走皮同肉之间嘅脂肪，所以食起上嚟都唔会觉得太肥。另外值得一提嘅系佢嘅奶茶都做得非常出色，奶香茶香都够。而且呢间亦系一间良心小店，每逢星期六都会派饭盒俾长者。大家有行开过嚟就支持一下啦。