金記冰室 (都會駅) (已結業)

每次放lunch都见劲多人排队，所以冇机会试，今日因为工作要同同事食个early dinner，终于可以避过人潮试吓啦。佢嘅二人晚餐都几抵，住附近如果唔想煮，都值得一试。我哋拣咗咕噜肉同埋XO酱虾球炒西兰花，两个人食分量刚刚好，唔会太多。睇Menu觉得好吸引，所以额外叫咗个金砖风沙炸豆腐，即叫即炸，热辣辣，重点系豆腐入面劲嫩滑。$200都唔使有汤有𩠌有饭有嘢饮，其实叫汽水都得，不过同同事都食到好饱，所以叫杯柠茶消消滞。最重要嘅嘢梗系要留返最后，呢个芝士西多士真系超级出色！估唔到芝士同西多士系咁夹，钟意甜品嘅人一定要试一试。