多賀野 (新城市廣場一期)

营业中

休息中

闻说系米芝莲拉面店，专程去试下。一碗拉面平均都要百多元，偏贵的价位。平时最钟意食塩味拉面，钟意个汤个种清带咸鲜味又唔会好似猪骨汤咁腻。于是点了粟国塩味汤拉面，配料有两片大叉烧，一只溏心蛋，一片紫菜同笋，配幼拉面。先饮淡汤，汤底汤清咸香带鲣鱼味，纯个人喜好唔钟意鲣鱼味咁出，变咗唔似塩味汤，面质软硬度适中亦都食都微微麦香，叉烧面有火炙既焦香，但失败既地方叉烧无咩调味，加上塩味汤底唔浓盖唔过猪肉的雪味，肉边皮位有咬口，溏心蛋味道正常。笋就做得唔错唔会好臭，而且爽脆。整体系正常发挥，唔会话好食到想食多次，无惊喜。